真心唔識！
過年收利是應該高興，但有網民收到後即「嬲嬲豬」大呼「擺明玩嘢」，原因是收到一封內有101元的利是。帖文掀起熱議，有從事殯儀行業的網民指「死人嘅帛金先至要『尾數』必須是1元」，但亦有網民稱「各處鄉村各處例」，解釋「呢啲叫做出頭，係希望你出人頭地」、「硬幣是保平安的意思」，慨嘆樓主不認識意頭事。
有網民發帖，指收到一封內有101元的利是，留言指「擺明玩嘢」。網上圖片
有網民昨（5日）日豬年大年初一在facebook群組「巴打絲打 Facebook Club」上載圖片，可見紅色利是封內封了101港元，並在帖文留言指「擺明玩嘢」，另加3個表示「嬲嬲」的emoji。
事件隨即掀起網民熱議，有網民表示「啋」、「大吉利是」，「做殯儀廿年，死人嘅帛金先至要『尾數』必須是1元，例如101元等！用單數意思係白事只發生一次不成雙」。不過，有網民也表示其祖母每年都會這樣封利是，代表長輩對後輩的祝福，「利是加一個一蚊，原來係『有餘』或者『有出頭』的意思！」、「正所謂各處鄉村各處例，你唔識唔代表人哋係嗰種意思」、「啲人真係連呢啲咁嘅意頭都已經唔識，仲要衝出來」。
樓主在帖文留言大呼「擺明玩嘢」。
有網民笑指樓主「你太年輕了。係意頭呀， 比個狼（良）心你當狗肺」，另有網民問樓主是否單身，「如果係單身，收到咁樣嘅紅包係多一個伴侶，以前我嘅外公都係咁樣封畀我。如果喺工作或事業上就係賺錢或存錢有突永遠不缺。
