嘈到其他人咪關事囉......
人人食飯都想有個寧靜空間，小朋友未懂事不要緊，但父母如何教育才最重要。一名網民日前發文，分享午餐時遇到一名無理媽媽，帶著孩子在餐廳大聲播放影片。網民請求她將音量收細竟被斥：「我播片關你咩事？我係鍾意咁大聲呀。」其後被阿叔大聲指鬧嚇怕，才把音量收細。
無理港媽任由BB大聲播片 。網上圖片
有網民日前在facebook「生仔要考牌系列」發文指，某日午餐期間，有女士帶著約1歲的BB坐在旁大聲地播放卡通片，樓主指音量之大是附近5張桌子的食客都能聽到，侍應經過都皺眉，更有人立即帶上耳筒。而樓主選擇請她將音量收細，誰知她竟愈來愈大聲。
樓主平心靜氣向她說：「你湊住小朋友，呢度大家食飯，可唔可以有返啲公德心，真係太大聲。」她回應說：「你做咩話我小朋友啫？有阻到你嗎？」樓主則指並沒有指罵小朋友，只希望能把音量收細。豈料該女士隨即大聲說：「侍應，我唔要坐呢度，啲人都痴線㗎，我播片關你咩事？我係鍾意咁大聲呀。」該女士看到很多人看著她更指罵：「你哋呀，個個都無仔生㗎，小朋友要睇就要睇㗎啦，你班人望咩望，我係要較咁大聲呀，侍應我要轉位坐。」
設計圖片
其後侍應給她安排更換位置，她仍繼續大聲播片。誰知坐她旁的一位阿叔大聲鬧：「X婆，你咁X大聲仲乜X呀？你撞聾定搏小呀？」。該女士顯然感到害怕，立刻把影片音量收細。
事件引來網民熱論，有網民留言指該女士生仔前絕對需要考牌：「欺善怕惡」、「現在啲阿媽阿爸興少少不滿就話人冇仔生唔明白？」、「 自己唔識教仔就播片」，更有網民對阿叔反擊成功大讚，留言指：「有請大叔再出招」、「今次真係：誰大誰惡誰正確」、「潑婦原來都怕爛佬」。
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
