都已經立即讓座了.....
網上圖片
關愛座不時觸發老人與年輕一代之間的批鬥，有巴士乘客發帖表示，今早目睹一名背着沉重書包的學生佔用關愛座後，對方一見有長者上車，已即時讓座，但長者仍斥「你坐㗎咩」，並追罵學生。結果車長忍不住開聲，稱「關愛座係優先讓比有需要嘅人，冇寫你個名，唔一定係你坐」，長者才收聲。網民都大讚車長做得好，「鋤強扶弱」，並建議取消關愛座，認為「讓人坐係出於個心，洗乜分邊個位」。
資料圖片
有網民今早在facebook群組「巴士的事討論區」發帖，指乘搭巴士過海路線111號上班時，除了兩個近門口的關愛座空出，已沒有其他座位。有學生上車，對方背着一個看似重量不輕的書包，「可能佢只坐幾個站，而當時又冇有需要嘅人要坐，他便坐下外面個（關愛座）位」。
到下一車站，有乘客和一名長者上車，學生已即時起身走近落車門口，但長者仍不放過學生，斥「你坐㗎咩！呢個係關愛座，唔係畀你坐，你有冇我咁大年紀呀」，並不斷大罵學生。此時車長回應道，「個位人人都可以坐」；長者則反擊：「呢個係關愛座」，結果車長再神回：「關愛座係優先讓比有需要嘅人，冇寫你個名，唔一定係你坐」。樓主說，長者聞言立即收聲，其後座乘客即大讚車長。
帖文引來不少網民留言，大讚「車長好man」、「 好明顯蝦細路，好在有車長出聲」、「車長回應正確，畀個讚賞車長」，並建議 寫信去公司讚賞車長。另有人批評事件中的長者，「人哋都醒目起咗身啦！洗唔洗追住人哋嚟鬧」、「罵少一陣，廢噏一陣，好似會死咁，好在有車長秉持公道」。有網民慨嘆，「改名做批鬥座仲好啦，坐親落去都被人話，邊個想被人擺上網公審想被人即場開波，坐落去就得」，建議取消關愛座，「自從有咗之後成日都見到無謂嘅口角衝突」。
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
