大家答佢點解唔可以!!
資料圖片
小朋友在公眾地方製造噪音的事件經常發生，不少港媽都會極力護子。有網民日前在網上發文指，某日在咖啡店遇到一名港媽與其兒子當眾練習拉小提琴，樓主稱聲浪「還真不小」。10分鐘後，有店員勸告港媽，港媽竟回應: 「點解店內都有播音樂，我個仔點解唔可以奏音樂呀！」，事件最後出動經理才擺平，其後兩母子便離去。
設計圖片
有網民在Facebook專頁「生仔要考牌系列」發文指：「睇到餐廳被細路大聲睇片，都未算過份」，樓主稱某日在咖啡店遇到一名港媽與其兒子當眾練習拉小提琴。樓主說：「練習，即係同一句㫌律拉十次八次那種，而且聲浪還真不小」。10分鐘過後，有店員勸告港媽，港媽竟回應: 「點解店內都有播音樂，我個仔點解唔可以奏音樂呀！」。樓主指：「旁邊的顧客也異口同聲話佢哋影響人」，並表示不想聽到男孩的小提琴聲。經過一番爭論，港媽懶理勸告，叫兒子繼續練習，事件最後出動經理擺平，港媽才帶著其兒子離去。
發文引起網民熱烈討論，有網民認為港媽行為十分自私，「點解唔返屋企練飽佢？」、「果啲所謂天才表演，白痴父母係覺得自己仔女好叻，唔知噁心！」、「 唔好話練習劏雞咁嘅聲啦，就算演奏級都未必個個想聽...自私到一個點」。另外則有網民留言教樓主如何應對：「同佢講：呀太！如果你小朋友勁到可以獨奏十幾分鐘一首曲又真係唔介意！可惜你公子又未夠班！唔好強姦民眾耳仔啦！」
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
