「紫色嘅50元最靚」
農曆十五過後，不少人都拆利是，有網民拆開後發現收到絕版的紫色50元紙幣，遂在網上發帖分享，笑言「仲老過我」，並疑惑「絕版嘅嘢都捨得封嘅」，引起網民熱議，並有網民更分享其珍藏。
網民Heidi Lee也留起不少絕版50元紙幣，並表示不捨得用。網上圖片
網民Andy Yung在facebook多個群組發帖，稱「拆利是見到，絕版嘅嘢都捨得封嘅」。相中可見有兩張分別渣打銀行和匯豐銀行已絕版的50元紙幣，另有一張渣打銀行絕版100元紙幣。樓主表示，「渣打$50紙嘅年份，仲老過我」。
網民Andy Yung收到絕版的紫色50元利是，笑言「仲老過我」。網上圖片
帖文引來大批網民留言，表示十分懷念紫色的50元紙幣，「紫色嘅50元最靚」、「最鐘意紫色50元紙幣，見到一定留」、「絕版梗係儲起佢啦，紫色50元買少見少喇」。有網民亦分享自己的珍藏絕版紙幣，部分更連號碼，並表示不捨得用作封利是。
網民Carmen Wong也分享其珍藏。網上圖片
但未必人人都當紫色50元是寶，有網民表示，「我公司有啲妹妹仔收到呢啲以為係假錢」；另有分享經歷，「好幾年前攞住張紫色50元去買嘢， 個sales妹妹仔竟然話未見過呢張錢， 怕係假既唔肯收」。
資料圖片
男乘客不滿有人帶榴槤上巴士「搞到架車成陣味」，要求車長及停車報警，連累全車乘客下車轉車，車長親解畫。
示意圖片
男子投訴有人帶榴槤搭巴士要求停車報警
有網民於Facebook群組「屯門公路塞車關注組」發文，表示日前乘搭九巴58M線前往屯門時，目睹一名男乘客從轉車站上車後不久，因聞到車廂內有榴槤味，而向車長投訴「車內有人帶榴槤上車，搞到架車成陣味」，男乘客更要求停車並報警處理。
男乘客（白衣者）不滿有人帶榴槤上巴士「搞到架車成陣味」，竟要求車長停車報警。（FB圖片）
連累全車乘客下車轉車 最終未有報警
最終，車長唯有安排所有乘客下車，再轉乘另一輛巴士離開。而經交涉後，男乘客決定放棄報警。
樓主嬲爆表示「好心你啦，人地帶個榴槤雖然係有味，但人地包到實一實，又無整污糟架車，車長都話呢度唔係新加坡，公司無規例話禁止帶榴槤上巴士」。他又不忿男乘客連累全車人「當時繁忙放工時間，架車都就返到屯門，就係因為要滿足你呢位嗅覺大帝，阻住成車放工客返屋企，你咁頂唔順咪坐其他位，上樓上坐囉，係要為難車長同乘客，你好唔好意思呀？」
Getty圖片
疑車長親自解畫
帖文曝光後，有自稱是當事車長的網民現身說法「首先同咁多位乘客講對唔住先喇。呢位乘客係屯公塞車時鬧小弟，身為一個車長，你有冇搞錯呀，你點解俾個客帶榴槤上車呀，咁臭。咁小弟呢，就帶住口罩，打開左隻窗，同埋該名乘客並非帶原隻榴槤，係斬件個隻，根本就睇唔到。好啦，我處理嘅時候，佢話要報警，我唯有過客，準備打電話時，佢鬧我做咩唔截住當事人，鬧我唔係一個稱職嘅車長，我都認，我好少處理呢啲事情，但係人都走咗，成部車都吉佢，我問佢，滿意未？最後佢話唔報喇，完。多謝呢位先生，遲咗收工，啱啱先返到屋企食飯」。
疑似車長又表示「呢班車嘅乘客大多數都好平靜，係帶榴槤果位乘客差啲同佢打架，大多都係怕會打起上嚟，唯有立即轉車避免發生打鬥」。
疑似涉事車長現身說法。（FB截圖）
網民支持車長怒批男乘客
不少網民表示支持車長「車長，不用自責，你已處理得好好」、「唔洗道歉，要道歉都係嗰條茂利道，你都唔想遇到白卡人」；有網民亦指責男乘客「收工時間阻x住哂，正x街黎」、「轉車站再過到屯門唔使10分鐘姐。使唔使呀？」、「要同全車攬炒先開心。覺得自己係正義英雄？」、「呢種人真係好乞人憎，癲少陣啦，阻住人放工返屋企」、「其實如果真係頂唔順，咪落車等下一班囉，搞到全車人要陪佢玩」。
帖文來源：Facebook群組「屯門公路塞車關注組」
