娛圈事
各位感情真好～
TVB劇集《大帥哥》在播出時大受歡迎，劇中的「大帥哥」張衞健先後有三個靚老婆：「沅婉」蔡思貝、「艾妞」楊秀惠和「天嬌」譚凱琪，盡享齊人之福。在劇中由忠變奸再變忠的好兄弟「馬炭」洪永城（Tony），近日與三位「人妻」睇戲兼食飯，但就向大帥哥報寸。
張衞健之前與三位老婆搞聚會。（網上圖片）
網上圖片
雖然劇集在年初已大結局，但劇中多位主角仍十分老友。Tony和楊秀惠在社交網站上載合照，相中三位靚女都戴上白色Cap帽，而且似乎素顏上陣，她們又拿出電影票尾，捧着美食影相，相信是齊齊睇完戲再醫肚。楊秀惠在IG stories表示：「Movie & Supper date」；洪永城則在帖文tag了張衞健：「大帥哥，我發現咗你啲老婆夜晚出去獵食」，又說：「乜依家女士潮流興帶白色帽嗎？」
網上圖片
梁諾妍透露自己因為疏於泵奶，導致患乳腺炎，更連日發高燒要入院。
梁諾妍（Inez）與洪永城於2021年結婚，同年誕下大女「Sir Face」洪靖嵐（Amber），今年3月尾再誕細女「Sir Face 2.0」Beryl。梁諾妍平日不時在社交平台分享一家人的生活點滴，但自上周貼出「Sir Face 2.0」與老公洪永城童年的餅印相後就一直沒有更新IG，直到今日（5月9日）才在IG Story親解「失蹤」原因，指因為疏於泵奶，導致患乳腺炎，更連日發高燒要入院。
細女「Sir Face 2.0」Beryl於3月尾出世。
兩姊妹一樣樣。
洪永城基因好強大！
熱愛運動跑步的梁諾妍聽取醫生建議在產後六星期才開始嘗試慢跑，近期亦都開始嘗試行山。
但近日卻因為疏於泵奶，導致患乳腺炎，更連日發高燒要入院。
梁諾妍表示：「失蹤咗幾日嘅我終於返嚟，我去咗邊？去咗發高燒」，並透露由星期六（5月4日）晚開始發燒，而是半夜瘋狂發冷、骨痛又超攰，星期日更燒到39.2度，但五合一檢測結果仍呈一線，「諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」
梁諾妍指上星期四同五太忙，曾2次過咗7個鐘先泵奶，而且她量多，所以應該已經塞咗。
梁諾妍又指，右上胸其實早已痛了多日，周日黃昏更因持續高燒不退才去醫院睇急症，「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」
雖然醫生建議留院3日打抗生素，但她最後只打了抗生素針同高燒止痛針。
不過，到昨日（5月6日）病情依然反覆，梁諾妍表示：「我努力做晒我可以做嘅，埋身親餵、2-3個鐘泵一次、準時食藥、休得就休、餵前用熱毛巾敷、餵得用凍椰菜敷、食supplements、食得清淡、飲好多水＋通草etc.」，直到今天終於沒有發燒發冷，但胸部依然又紅又腫又痛，並苦中作樂的表示：「冇發燒我已經覺得打贏咗一半，因為如果太嚴重要用針抽膿／做手術開開個乳頭放膿，omg希望冇呢一日。」
梁諾妍指如果胸部太嚴重要用針抽膿或做手術。
之後，梁諾妍又貼出在醫院自拍，並照寄語各位媽媽：「各位媽媽千祈唔好好似我咁，辛苦到唔多識形容，個胸都痛到唔識形容。過來人建議：有得親餵就餵，餵完最好再泵清佢，泵都唔好過4-5個鐘，真係會好易塞，定時要按摩，吃都要吃得清淡嘟啲（我肯定係星期四食完糯米出事）。」
梁諾妍以過來人的經歷寄語各位媽媽。
