貝兒要好好注意安全！
TVB節目《嫁到這世界邊端》再度添食，主持陳貝兒近日與攝製隊出發到尼日利亞，為第三輯節目進行採訪拍攝。過去都被港女人妻故事感動落淚的貝兒，今趟似乎「嚇破膽」多於感動，她在社交網站發文指接獲當地港女人妻告知，其寓所附近發生四屍命案，屍體更被斬件示眾，直言「拍攝過程好嚴竣」，貝兒與攝製隊更需要荷槍實彈的軍裝警員24小時保護。
網上圖片
網上圖片
貝兒表示：「被提醒過好多次千祈千祈唔可以一個人出街、特別係入夜後。真係有咁危險嗎？一落機，嫁到尼日利亞嘅港女人妻就話早兩日佢屋企附近發生左單4屍命案，屍體更被斬件示眾。原因就只係為左一啲小糾紛。到埗幾日，呢邊各樣情況都真係比我預期嘅更困難。被提醒連刷牙都唔好用水龍頭水，要用樽裝水⋯⋯ 然後又會隨時斷水斷電。拍攝過程好嚴竣，尋晚我地夜晚10:30pm 收工返到酒店，然後好快收拾一下行李，凌晨03:30am 又要再出車坐 7個鐘車入尼日利亞東部地區拍攝。剛剛出車前又再被人妻提醒唔可以喺車上面玩電話，因為天仲係黑嘅，外面嘅人見到入邊有電話燈會知道入面係有電話嘅『有錢人』，同埋啲電話燈會照到我哋係外國人，佢咃就會唔知想對我哋做啲咩⋯⋯。而我哋要天未光晨咁早出發係因為想避開怕路上可能會遇到嘅意外。」
貝兒形容，「呢度彷佛係一個一出街就可能會遇到意外嘅國度。每日都要好小心。好難想像有港女會肯嫁到過黎呢度。做乜要嫁到咁遠呢？#放心 #我哋有荷槍實彈嘅軍裝警員24小時保護」。
陳貝兒形容「拍攝過程好嚴竣」。
陳貝兒望多外遊帶動姻緣！
為客戶提供完美奢華旅遊體驗的尊賞假期（Premium Holidays）踏入十週年，日前（4月25日）以「尊賞十年，感動每個瞬間」假中環香港美利酒店The Murray舉行盛大慶典，同時，正式宣佈星級旅遊達人陳貝兒擔任年度品牌代言人，會上進行簡單而隆重的簽約儀式。
陳貝兒受訪時表示已有五年無去過旅行，稍後也計劃家庭旅行。
十週年是尊賞假期的重要里程碑，過去的成功，時刻提醒品牌繼續為客戶提供非凡的旅程體驗。為隆重其事，尊賞假期特意邀請憑旅遊節目《無窮之路》奪得兩屆「萬千星輝頒獎典禮」最佳女主持及「感動中國2021年度人物」的陳貝兒成為年度品牌代言人，更即場首播貝兒為尊賞假期拍攝的全新宣傳影片，貴為星級旅遊達人的陳貝兒於片中以四個不同造型，帶出「旅遊，唔係一場節目」的主題，更可以親身走訪，由尊賞假期為客戶提供由南半球到北半球、從文化遺產到自然境觀，世界各地的專屬行程。
陳貝兒期待與尊賞假期有更多合作，現時大家都追求專屬的旅程體驗，這點正好與品牌的服務不謀而合。
預告現正籌備開拍新一季旅遊節目！
陳貝兒受訪時表示已有五年無去過旅行，稍後也計劃家庭旅行，又希望有機會到南極，無論工作或拍攝節目也可以。貝兒亦透露現正與電視台籌備新一季旅遊節目：「新節目嚟緊都會開拍喇，好快喺6月開拍，繼續《無窮之路》，帶大家去探索一些未知、一些新鮮的事，我自己都好期待！被問到任代言後，會否於外遊旅過程中趁機結識異性姻緣？貝兒謂：「過去咁多年，驛馬星不停動，但係呢桃花呢方面冇咩風吹草動，希望可以去多啲唔同地方識多啲朋友啦，呢一方面我就覺得真係隨緣嘅，因為確實工作都比較忙，未知兼唔兼顧到，希望會啦！多謝大家祝福！」
陳貝兒嘆驛馬星動桃花運未動，望任代言後多外遊帶動姻緣。
陳貝兒期待與品牌有更多合作，透過尊賞假期的豐富經驗及專業知識，為旅行者帶來更多驚喜及新鮮感：「拍攝旅遊節目期間，我都去過好多唔同嘅地方，對於旅程嘅安排都有一定嘅要求。希望我可以同佢哋分享自己嘅體驗，同尊賞假期一齊設計更多唔同嘅旅程畀客戶。」
陳貝兒因為主持旅遊節目人氣持續急升，雖然經常為了工作而走訪不同城市，她以往的親身經驗被冠以星級旅遊達人，亦不時在社交平台分享香港地道美食及購物熱點。尊賞假期看準她的旅遊經驗，促成是次的非凡合作，陳貝兒與尊賞假期行政總裁高鄭杏芬女士及董事總經理高俊宏先生一同於會上進行簽約儀式，最後，邀得專業旅運集團主席高偉明先生與團隊齊齊到台上大合照，場面熱鬧。
尊賞假期正式宣佈星級旅遊達人陳貝兒擔任其品牌代言人，會上進行簡單而隆重的簽約儀式。
