好有心思！粉絲全國賣燈箱廣告又做公益賀許靖韻生日

粉絲的力量很強大！

為了令偶像有個難忘的生日，粉絲們都會花盡心思為偶像慶祝，例如許靖韻（Angela）的粉絲！星期日（5日）就是Angela的生日，近年在內地人氣愈來愈高的Angela每次出席活動、表演或網上投票，粉絲們都傾巢而出為Angela造勢，人氣勁盛。

今年生日，Angela的粉絲們在全國4個直轄市、19個省及36個地級市，買了超過1500個的「豐巢」Led Mon，連續7日播放對Angela的生日祝福。除了內地，香港亦有行動，粉絲們在灣仔地鐵站亦買了燈箱廣告，另外又同連鎖台式飲品店合作製作生日杯套。除此之外，粉絲們還非常有善心，他們以Angela的名義做了兩個公益活動，令Angela的生日過得更有意義。

粉絲們在全國買了超過1500個的「豐巢」Led Mon。

香港都有！

粉絲們又同連鎖台式飲品店合作製作生日杯套。

Angela表示：「入行後歌迷都會送禮物俾我 ，但其實唔想佢哋咁嘥錢，因為好多都仲係學生讀緊書。有時大家傾吓偈，講吓近況，都已經好開心。今次買燈箱廣告去慶祝真係第一次，冇諗過，好驚喜好開心，佢哋仲用我個名去做慈善，真係好有愛。知道歌迷真係好錫我，所以我要更加努力，創作多啲好嘅作品回報番佢哋。」

粉絲們以許靖韻的名義做了兩個公益活動。

許靖韻日前於廣州中山紀念堂展開巡迴音樂會，叫好叫座，全場爆滿，其全新廣東作品《望年月》亦於今日（4月18日）上架。

許靖韻（Angela）透露歌曲是於疫情時創作，「由伍卓賢作曲，周耀輝填詞。當時見到身邊好多朋友、或者朋友嘅朋友，都經歷緊一啲生離死別，所以就有咗《望年月》嘅歌詞、主題同諗法。」

Angela推出全新廣東作品《望年月》。

觀看相關影片按連結：https://youtu.be/aJtWZ1eTpus?si=ECQ-CPouDJDHa2bZ

新歌有別於Angela以往的的曲風，這次帶有小調的玩味，亦是Angela一直想嘗試的曲風。由於首次演繹小調，所以這次花了不少時間於錄音室中，Angela坦言感到困難，「首先我把聲連講嘢都係比較大聲，唱呢種曲風嘅歌係要有一種好想釋放，但係又要忍住嘅一種感覺，對於我嚟講係最難處理，所以錄音嘅過程我係好沮喪，因為覺得自己唱唔好。」後來多得合作無間的監製廖志華「導航」，「阿華好好，同佢識咗好多年，佢亦都係睇住我大，成個過程佢係好鼓勵我，冇俾到壓力我，令我成個錄音過程都可以好做到自己之餘又唱到首歌嘅感覺。」

Angela一直想嘗試小調的曲風。

不過Angela坦言這種曲風很困難，錄音的過程令她好沮喪。

除了首次演繹小調歌曲，Angela另一個獻出了另一個第一次，就是穿旗袍，「今次MV比較復古，同埋我每一個造型都會着旗袍，其實都係另外一種嘅『未試過』。」在造型上，Angela跟化型師、化妝師都經過很長時間的討論，拍MV的前一日，Angela仍然是橙金色的髮色，「然後一夜之間我哋用咗一個方法變咗而家大家見到比較深色嘅髮色，去配合返成個MV造型。同埋我哋由琴晚凌晨兩點開始到而家，已經拍咗over十二個鐘，所有工作人員及身邊團隊都非常之辛苦，所以大家真係要去睇MV呀。」

今次亦是Angela第一次穿旗袍。

為了配合造型，髮色亦由橙金色變成深色。