下次開會大家將證書放出來？
立法會內會今日討論《逃犯條例》修訂法案委員會的未來路向，民主、建制兩派議員依然舌劍唇槍，火花四濺。自由黨主席張宇人不滿有議員大聲喝罵立法會秘書處，直言「有本事就衝着我嚟」，當人民力量陳志全表達不滿後，張隨即還擊：「你使乜咁大聲同我講嘢呀？你估淨係得你有聲呀？我無聲呀？淨係得你講嘢呀？冇我講嘢呀？」並質疑陳志全針對秘書處，是想「鬧走晒人哋」。
建制、民主兩派在會上爭拗讀書多與少。
另外，工聯會黃國健口誤，將石禮謙讀成「石舐謙」，工黨張超雄好心提出指正，黃國健黨友麥美娟就批評，身為博士的張超雄嘲笑黃發音不正，「你讀書讀得咁多，去笑個讀書冇你咁多嘅人講嘢唔正，唔係佢醜，係你醜。」不過，緊隨發言的何君堯隨即再讀錯「石舐謙」，引來民主派一陣笑聲，公民黨譚文豪亦說：「何君堯議員完全示範咗，讀書叻唔叻，或者多定少係冇乜關係。」
陳志全與張宇人在會上對罵。
