難吃都不可以為難前線員工~
資料圖片
浸會大學多名學生疑不滿飯堂食物難食,趁quit hall日(學期住宿舍最後一天)到飯堂鬧事,不但爆粗大鬧,更掟餐具落地發洩。浸大發言人回應稱,正了解事件,如發現有學生違規,將依據既定程序跟進。
浸會大學 (資料圖片)
有傳媒報道,事發在昨日早上9時許,約10多名男生在浸大學生宿舍飯堂「浸大食坊」內叫囂,當中部分學生為浸大宿舍蔡元培堂宿生,期間有人破口大罵,內容疑是對飯堂食物不滿,當中更有人向職員講粗口,「好X難食,X你老X!畀幾十蚊,畀啲屎我哋食!」、「只有飲品係正常,最好味嘅飲品係咩?係可樂,仲有飲水機嘅水」、「炸雞髀唔推出,海南雞好好的又取消,最好食係海南雞,我要燒春雞」等,而一名身穿蔡元培堂足球隊波衫的男生,更數次更掟餐具落地發洩不滿。
資料圖片
事件曝光後,大批網民在facebook專頁「HKBU Secrets」中留言,有人留言直斥「大學生喎....基本尊重都唔識,成個爛仔咁!冇啲修行!你覺得難食未去第二到食,唔好幫襯囉!」、「明知難食重要食,又要X,咩玩法?」、「難食就可以隨便侮辱人,連基本尊重都唔識?」,亦有人認為不應該欺負前線員工,「係出晒名難食, 但唔好欺負前線員工,去X個中標公司」、「難食已經唔係新聞,阿姐都唔係煮果個,發脾氣以為自己好型?」,不過亦有人認同學生行為,「我支持學生用激烈方式表達意見,受過教育唔講得粗口?咩道理?面對啲咁無良嘅商人,唔通同佢玩對聯、吟詩表達不滿?」。
資料圖片
浸大發言人回應傳媒查詢時表示,校方十分關注學生的行為和操守,學生事務處正了解事件,如發現有學生違規,將依據既定程序跟進。
有港女於沙田兩餸飯店以$54買淨餸「西蘭花蝦仁」,打開見「蝦仁得一千零一粒」,投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文,表示日前光顧沙田石門一間兩餸飯食店買外賣,點了兩份淨餸菜式及一份糖水,當她回家打開外賣盒時,驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」,於是發文提醒其他網民要「避雷」,不要到該店光顧同樣菜式。
港女於沙田兩餸飯店以$54買淨餸「西蘭花蝦仁」,打開後驚見「蝦仁得一千零一粒」。(FB圖片)
從上載的照片可見,樓主的外賣是送到府上的,外賣盒內西蘭花的份量很足,但卻只有一隻小小的蝦仁,而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水,合共消費$107。
網民認為$54得一隻蝦仁不合理
帖文曝光後,不少網民批評食店離譜「54蚊得1粒蝦仔就真係好唔合理喎」、「咪鬼幫襯,下次咁情況,唔比錢直接走」、「員工有心倒米,無可能得一粒蝦仁仔」、「之前係土瓜灣叫西蘭花蝦仁,都係得2、3粒蝦,但你呢個過份咗」、「$54 單餸都算幾貴,仲要得一粒蝦」、「好誇張下啫,1粒蝦真係幾伏」。
有網民留言「咁又誇咗啲,你個靜餸少蝦過我兩餸飯」。(FB圖片)
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦,聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例,起碼有一粒呀」、「下次買半打蛋撻去請呀姐食,包你一盒都系蝦,得一粒西蘭花」。
有網民留言「我喺XX買淨餸都有四隻蝦$45,樓主嗰盒又真係過份咗啲」。(FB圖片)
店家同意退款稱:個別事件
其後,樓主更新了帖文,表示已與店家聯絡,對方解釋稱這只是個別事件,並同意退款。樓主則指「味道係好味嘅,希望改善下」。
有網民留言「可能啲蝦派晒啦…我有4隻」。(FB圖片)
帖文來源:Facebook群組「香港兩餸飯關注組」