互相體諒下啦！
不少工種都要「好天曬、落雨淋」，有時市民應互相體諒。但有家長就不滿工人於上學時間，兼且大雨期間，在學校門口附近洗地，卻又嫌學生和途人阻礙工作，惡罵他們，遂發帖批評清潔工人稍候待學生返回學校才洗。不少網民形容發文者是怪獸家長，「唔通每一份工嘅人都要跟住佢時間表嚟做咩」，並認為「應體諒下啲工人，邊個想大雨都洗地」。
有家長發帖批評清潔工人為何不稍等學生返回學校才洗地，掀起熱議。fb群組「將軍澳」
有家長今早在facebook群組「將軍澳」發帖，並上載一張清潔工人穿着雨衣洗地的照片，稱為何要於上學時段，而且當時又下起大雨，在大部分學生必須途經的學校門口附近洗地，但又「超惡鬧學生和途人阻住佢哋洗地」。該家長表示，明白要保持香港清潔，但埋怨「大佬，你只需遲10分鐘，等學生入晒學校，也少咗啲人啦......」
帖文隨即惹來網民批評，雖然樓主已急刪帖，但有網民已截圖繼續在群組討論。不少人都批評家長沒有體諒清潔工人，「人哋日曬雨淋返工清潔好辛苦」、「每人都有自己的時間表，工人每天要洗幾多條街你知唔知，唔通等全部人入晒學校，太太離開現場才可以洗地」，又斥「你啲時間就係時間，人哋嘅時間就唔係時間」。但亦有網民認為「唔覺有講錯，本身落雨洗地已經嘥氣，仲要編喺返學時間，根本係玩緊班清潔工同學生」；有人則點出，清潔工也不滿學生和途人阻礙他們。
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
