收銀員拒供膠袋遭辱罵 正義師奶出口「解決」粗口大叔

遇到不平事，最緊要互相幫忙！

香港有正義人士發聲！有任職麵包店的職員分享，因法例規定室溫飲品不能給予免費膠袋，遭到一名野蠻大叔以粗言穢語辱罵的經歷，幸得幾名正義師奶「出口相助」！

野蠻大叔以英文夾雜粗口辱罵收銀員！網上圖片

有任職麵包店的職員在Facebook專頁「西客之道 Hispitality Secret」發文 ，指工作時被一名野蠻大叔以粗言穢語辱罵的不禮貌對待，幸好遇到幾名好心姨姨出聲幫忙，感到窩心。

投稿人表示某一天早上的繁忙時段，店內大排長龍，輪到一位大叔付款買兩個麵包時，收銀員問兩個麵包要否分開包裝，大叔已無禮回應︰「問咩X嘢呀？兩個麵包就梗係唔使分開包啦，仲要問！」大叔接著要收銀員拿一包室溫的飲料給自己，正當收銀員想結帳時，大叔竟以粗口斥責收銀員沒有給他膠袋，「X，攞多個膠袋俾我啦，唔係我點攞包媽媽奶呀？快手D啦，咁X蠢㗎！」

店員此時解釋法例規定不能派免費膠袋盛載室溫飲品，要大叔花5毫購買膠袋。不過大叔就是不理對方解釋，「妳唔好講咁X多廢話啦，叫妳攞就攞啦，快X啲啦！」大叔見收銀員堅持是法例規定，就改以英中夾雜責罵對方，「你咩X嘢態度？I m a customer，妳只係收銀員就應該按我要求去做，我理得妳咩法例唔法例！」、「You re crazy bitch，妳諗清楚呀，I m a customer，妳以為妳可以隻手遮天？以為妳自己係專黨掌權人？ who are you？you re nothing，bitch！」

此時，幾名看不過眼的師奶出聲圍攻大叔，支持收銀員跟法例做事沒錯，「喂，阿伯，你鬧收銀妹妹做咩呀？佢按照法例做嘢有咩唔啱呀？要怪就怪你自己冇常識兼見識少，連立咗法成十年嘅膠袋法例都唔識，鬧咩鬧呀？」，更指大叔的英文差，「唔該學好啲英文先好再出街，扮勁都要有本錢，你呢啲就係俾人一眼睇穿，係無料扮四條咋，你想笑死人咩！」，又指斥對方以為講英文就不用講道理，「你以為識英文就代表高尚啲可以唔講道理呀？識講粗口就以為兇到人哋呀？」

接著師奶們又怒斥大叔是「正宗廢老」，「who are you 呀你？只係 Bull shit 咋」。最後幾名師奶更主動留下電話號碼，稱有事可以出來作證，投稿人非常感激幾名師奶的「正義相助」，更祝福他們健康。

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」