何韻詩多次為反修例發聲
警方同示威者在商場內爆衝突
反對修訂《逃犯條例》示威者昨晚在沙田新城市廣場內，與警方爆發嚴重衝突，釀成至少28人受傷。立場反修例的歌手何韻詩早前曾多次發聲，有網民昨晚目擊她現身沙田，更有份幫忙疏散人群。
何韻詩在其facebook發文，並用文字描述昨晚現場的情況。
何韻詩FB截圖
何韻詩facebook全文：
本身下午有事無參與遊行，後來見到Live開始唔對路，先趕過去。去到沙田完全圍城咁、封曬路，結果要轉去第二度搭火車過去，其實入到去已經九點幾。
站內一片混亂，好多人喺商場入面受驚但又走唔到，去到閘口見到兩批防暴同便衣警察企喺商場嗰邊封曬路，並且同示威者對罵。
何韻詩FB
入商場大家都係想走啫，叫人離開又唔俾人離開，入面有老有嫩，係要全副武裝恐嚇人、大打出手先得？明明合法遊行係都要流血收場，呢個到底係咩玩法？
