莊端兒指張致恒在當年分手時有公開向她道歉過。
莊端兒為茶飲店擔任開幕嘉賓,她表示有投資少少做小股東,「其實我有間咖啡廳在尖沙咀,近日光榮結業,因為大廈面臨清拆,拍檔亦唔做,便將投資轉移。」她又表示最近忙於準備舞台劇及拍電影,因此曬黑並瘦了十幾磅,可能是太辛苦所致。
網上圖片
提到舊愛張致恒向前女友Apirl道歉,莊端兒表示:「男人要有膊頭、有腰骨,道歉唔算遲,希望大家畀多點空間佢小朋友,等他可以以身作則,湊好個仔就是最大的道歉。(張致恒有向你道歉嗎?)佢有向我道歉,當時分手他有公開地道歉過。(今次有道歉嗎?)今次唔關事,我不在隻船(一腳踏幾船)上,唔好向我道歉。」
莊端兒最關心孩子不要受影響。
網上圖片
張致恒有工返無錢收?
有「離婚界KOL」之稱的張致恒(Steven)和區燕雯(雯雯)婚後育有四名兒子,兩公婆經常在社交平公開家事,一家又長期經濟困難,但近期張致恒似乎終於生性,不時在IG分享打工生活,日前舉家為大仔張天寶慶祝5歲生日。不過,雯雯今日(4月16日)突然出PO,自爆屋企被cut電,直言:「完全已經唔係容忍嘅範圍之內!」
張致恒早前不時在IG分享打工生活,似乎終於決定腳踏實地。
一家人日前齊齊出動為大仔張天寶慶祝5歲生日。
張致恒寄語囝囝:「努力做人,讀唔到書唔緊要最緊要做一個開心嘅人,做個善良嘅人,千祈唔好好似daddy咁失敗,所有嘢都一事無成!」
雯雯在IG Story以黑底白字留言:「要發生嘅,終於都發生,你終於都令到屋仝發生俾(畀)人CUT電,完全已經唔係容忍嘅範圍之內!小朋友又冇得煮嘢食,又冇熱水沖奶,不停喊,請問你想我點?!」根據雯雯以往經常在IG公開鬧爆張致恒,估計今次文中的「你」亦是指張致恒,令人疑惑他們一家的經濟狀況,張致恒是否仍有打工?
雯雯又公開指責張致恒?
此外,雯雯今年2月突然自爆有一名兒子患自閉及過度活躍症,「坦白講照顧呢類小朋友, 無論係身心情緒都係好大嘅學習,我一個人真係冇能力,同一時間可以照顧到四個小朋友,應該話可以照顧到,但係會有一定嘅危險。」又稱兒子曾跌倒傷耳,「醫生同我哋講呢類小朋友,一年起碼會去幾次急症室要有心理準備,而家每一日面對佢嘅行為情緒都係一個好大嘅挑戰,同時因為屋企其他嘅小朋友仲好細,亦都會受到影響,我哋亦都要好努力學習點樣可以得到一個平衡」,更坦言壓力已接近爆煲,引來不少網民關心,直到張致恒早前在IG分享為大仔張天寶慶生的照片,並留言:「想當日仲趴喺我心口度瞓覺我喺度打機,而家百厭調皮直情係一隻馬騮」,惹來網民揣測患自閉及過度活躍症是大仔,事後他與雯雯今日分別在IG Story澄清,貼出同一張大仔的照片,並留言:「我想澄清番,天寶係冇自閉」。
雯雯曾發長文解釋兩公婆不能出外工作的原因,其中一個原因就是有一個囝囝確診自閉及過度活躍症。
澄清大仔沒有患自閉證。