34C迫爆上圍好出位 傅嘉莉應承繼續派福利

各位粉絲有福了~

34歲傅嘉莉 (Kelly)在TVB旅遊節目《識玩旅行團2》中穿上純白色比堅尼同短褲仔，於鏡頭前坦蕩蕩浸溫泉，34C脹爆上圍相當出位，加埋著住粉紅色泳衣擘髀玩激流的豪放動態，年尾流流派呢啲咁正的福利，睇到一眾宅男個個都心心眼，大讚Kelly仙女下凡、女神真性感！就連73歲「家英哥」羅家英都忍不住出手，將Kelly性感泳照分享至社交網限時動態當中。對於「升呢」做了火辣女神，Kelly日前直言受寵若驚，興奮道：「被讚梗係鍾意啦，呢份係今年最好嘅聖誕禮物呀！」女神更承諾今年繼續強勢出擊，不要會令大家失望。 

34C心型胸有條深坑事業線。

《識玩旅行團2》口碑咁好，監製張志明日前率一眾台前幕後江嘉敏(Kaman)、傅嘉莉、楊潮凱、陳婉衡、陳睿雯、潘梓鋒、梁茵、林師傑等在西貢慶功宴。講到粵北嗰幾集節目中，自稱沒有男友的Kelly好free，每集都大解放，出動泳衣、貼身小背心，34C咪咪搶盡風頭，還有濕身大特寫派彩蛋！咁進取，小花江嘉敏梗是比了下去，加上有男友Anthony「監控」，Kaman最大膽都是換上一件頭「婆仔」泳衣出鏡。不過，Kaman就話冇留意是不是風頭被蓋，「盡量唔會著着得太暴露嘅，我驚嚇親大家！」在旁的楊潮凱原來挑通眼眉，他即插嘴，「Kaman係為我好，怕老人家流鼻血啫……講笑講笑！其實佢算係平……嗰啲嚟嘅，反而Kelly真係好性感，所以我唔敢望得太過份，哈！盡量望佢頭以上嘅嘢，好彩我老婆對我有信心。」

羅家英將呢張Kelly性感泳照分享至社交網限時動態當中。

有料Kelly坦言不介意露多少，「咁浸溫泉係要着泳衣嘛！都係多得化妝師嘅攝影技巧好，去公幹旅行有個識得影相、整頭兼化妝嘅化妝師一齊真係冇得彈呀！見大家咁受落我都好開心，係今年最好嘅聖誕禮物呀！尤其見家英哥都讚埋一份，諗唔到佢都留意到我。」她更承諾唔會畀佢停，今年繼續喺鏡頭前大派福利，造福人群，「其實之前被張志明安排去檳城，處女下海拍《3日2夜》，點知去到機場先發現護照有效期唔夠半年，冇得登機，最後喺機場食咗個早餐就打道回府，其實我真係唔知護照至少要有半年有效期先可以出到境呀！真係超失望，好無奈。」江嘉敏作證，指Kelly是誠意十足㗎，因為她出發前的半夜，還在《識玩2》群組度叫大家幫吓眼揀泳衣，她預了3、4套備戰！楊潮凱取笑Kelly說：「Kelly係『鱷魚頭，老襯底』，只係表面精明！（係咪胸大冇腦？）佢冇身材係人都唔信啦，但冇腦就……平日我要降低智商先同佢溝通得到呀！」Kelly騎呢地反問：「我係咪持『白卡』嗰啲呀？咁我都係嘅(冇腦)！」原來Kelly下年本命年犯太歲，自言稍後拍賀年節目時，要多啲請教吓師傅，留意返要注意啲咩，希望順順利利，新一年願望還想多拍啲好戲。

濕身的誘惑，好hot呀！

被封火辣女神的傅嘉莉承諾今年繼續派福利！

着住粉紅色泳衣擘髀玩激流都幾豪放喎，唔怕下身走光咩？

江嘉敏套婆仔泳衣輸足九條街！

楊潮凱話拍攝期間做江嘉敏、傅嘉莉中間的「潤滑劑」，因為兩人一快一慢，經常有好火花。

楊潮凱、傅嘉莉、江嘉敏、陳睿雯、梁茵喺《識玩2》慶功相聚。

被Anthony「私有化」，Kaman衣着好保守。

官方發布「男女主持」「男女飛躍」及「最具潛質新人」場刊靚相

無綫電視年度壓軸盛事《萬千星輝頒獎典禮2023》將於1月14日晚上8點假澳門上葡京綜合度假村隆重舉行，翡翠台屆時將同步進行直播。大會1月10日起陸續向外發布各獎項十強及「最具潛質新人」候選人官方場刊照，10日發布的分別是「最佳男主持」、「最佳女主持」、「飛躍進步男藝員」、「飛躍進步女藝員」十強及「最具潛質新人」21名入圍者；在五個組合中，以「女飛躍」大合照最為搶焦，當中除了戴祖儀及傅嘉莉以V領晚裝上陣兼鬥晒美腿外，陳楨怡的低胸透視露腰裝亦別具美感。另由於「最具潛質新人」入圍藝人較多，大會將21名入圍者分成三個組別，當中成功突圍而出的除了有鍾柔美超特別的「鈕扣裙」，還有區明妙的Shocking Pink大蝴蝶裙。

「最佳男主持」大合照

「最佳女主持」大合照

「飛躍進步男藝員」大合照

飛躍進步女藝員大合照

「最具潛質新人」21名入圍者

「最具潛質新人」21名入圍者

「最具潛質新人」21名入圍者

為隆重其事，日前一眾十強候選人雲集電視城為大會場刊拍攝靚相，無綫娛樂新聞台全程直擊拍攝花絮及訪問片段。有份入圍新增獎項「最具潛質新人」的四大潛質小花區明妙、姚焯菲、詹天文、鍾柔美先後著靚靚現身拍攝場刊照，當中以腳踏超高高踭鞋的區明妙最為搶焦，坦言又凍又緊張的她拍照期間一度Kick一Kick，幸好有驚無險，區明妙說：「今日特別凍，又要著咁高高踭鞋，所以好緊張，頭先都企唔穩。」至於詹天文則感激粉絲落足力支持：「好感動，佢哋凌晨時分都仲投緊票。」憑《亞洲超星團》人氣攀升不少的黃星綽及文佐匡不約而同透露透過參與《超星團》節目拍攝經歷很多兼成長不少。「東張女神」陳懿德則選擇以搞笑的「自爆年齡系列」路線拉票：「其他參賽者細過我好多，我尾班車，希望大家可以投票畀我支持吓。」

區明妙賣萌能力都好強。

由於拍攝當日天氣寒冷，區明妙接受訪問時要著番件外套保暖。

詹天文

鍾柔美

至於每年均競爭激烈的「男飛躍」及「女飛躍」，今年話題候選人非憑《香港人在北京》贏盡人氣的傅嘉莉及戴祖儀莫屬。同時提名「女飛躍」及「女配角」的傅嘉莉及戴祖儀，前者精心挑選了兩款白色戰衣拍攝場刊，其中一套喱士花款的更價值高達六位數。傅嘉莉受訪時坦言很喜歡身穿的戰衣：「我都希望今年可以攞埋最佳衣著獎，我到時會著得好閃耀。」戴祖儀則搞笑爆料指遭父親「睇死」：「我絕對冇諗過我會陪跑架，話我會陪跑嗰個係我爸爸咋，今年我覺得有信心嘅，因為《香港人》個角色我自己落咗好多苦功，都好慶幸劇集出街時都獲得咗好評。」而今年先後憑《廉政狙擊》及《新聞女王》的突破性演出贏盡關注的陳楨怡，透露其實一直有默默受訓為挑戰打女路線做準備：「我一星期有Train兩次劍術，同理古裝通常都有打劍動作，學咗一定有好處。」

戴祖儀桃紅色嗰套，係女配嘅場刊戰衣。

傅嘉莉呢套都係女配戰衣，佢話價值六位數字。

陳楨怡呢套衫其實好蝦人著。

最佳主持方面，已憑《無窮之路》系列兩度勇奪「最佳女主持」的陳貝兒，今年再憑《無窮》系列入圍「女主持」十強，對此貝兒坦言《無窮》系列帶給她無限美好回憶，並謂對於能否再攞獎要隨緣：「之前兩年都有攞到獎，今年再入十強非常開心。嗰兩個獎我一直放喺客廳當眼處，激勵自己繼續努力，已經好開心同好滿足。」至於去年單拖為台慶頒獎禮擔任主持並贏盡掌聲的周奕瑋，由於本身專業又有功架，加上過去一年先後主持了不同類型的綜藝節目，不但令他成為今年「男主持」頂頭大熱，更入圍「男飛躍」最後十強，對此周奕瑋謙稱很意外：「冇諗過仲可以（入圍）飛躍（10強），今年算係非常豐收嘅一年，我睇番入圍名單，原來自己過去一年做咗咁多唔同類型嘅嘢。」至於現為娛樂新聞台主播之一的許文軒，與周奕瑋一樣同時入圍「男主持」及「男飛躍」十強，對此許文軒笑言「入圍當贏咗」：「有本場刊永遠記錄低呢件事，仲要換咗兩套衫喎，我覺得自己已經攞咗獎。」

「最佳女主持」十強吳幸美

「最佳女主持」十強李佳芯

「最佳女主持」十強車婉婉

「最佳女主持」十強梁芷佩

「最佳女主持」十強陳貝兒

「最佳女主持」十強麥美恩

「最佳女主持」十強陳庭欣

「最佳女主持」十強潘靜文

「最佳女主持」十強黃翠如

「最佳女主持」十強蔡思貝

「最佳男主持」十強李思捷

「最佳男主持」十強冼靖峰

「最佳男主持」十強周奕瑋

「最佳男主持」十強洪永城

「最佳男主持」十強林溥來

「最佳男主持」十強許文軒

「最佳男主持」十強區永權

「最佳男主持」十強黎諾懿

「最佳男主持」十強陸浩明

「最佳男主持」十強林正峰

「飛躍進步女藝員」十強JW

「飛躍進步女藝員」十強王敏奕

「飛躍進步女藝員」十強何沛珈

「飛躍進步女藝員」十強何依婷

「飛躍進步女藝員」十強炎明熹

「飛躍進步女藝員」十強陳楨怡

「飛躍進步女藝員」十強傅嘉莉

「飛躍進步女藝員」十強游嘉欣

「飛躍進步女藝員」十強劉穎鏇

「飛躍進步女藝員」十強戴祖儀

「飛躍進步男藝員」十強孔德賢

「飛躍進步男藝員」十強吳業坤

「飛躍進步男藝員」十強阮浩棕

「飛躍進步男藝員」十強周吉佩

「飛躍進步男藝員」十強林正峰

「飛躍進步男藝員」十強周奕瑋

「飛躍進步男藝員」十強林景程

「飛躍進步男藝員」十強容天佑

「飛躍進步男藝員」十強馬貫東

「飛躍進步男藝員」十強陳浚霆

「飛躍進步男藝員」十強許文軒

「最具潛質新人」21名入圍者吳兆麟

「最具潛質新人」21名入圍者古佩玲

「最具潛質新人」21名入圍者冼靖峰

「最具潛質新人」21名入圍者林智樂

「最具潛質新人」21名入圍者炎明熹

「最具潛質新人」21名入圍者姚焯菲

「最具潛質新人」21名入圍者施焯日

「最具潛質新人」21名入圍者區明妙

「最具潛質新人」21名入圍者涂毓麟

「最具潛質新人」21名入圍者莊子璇

「最具潛質新人」21名入圍者游嘉欣

「最具潛質新人」21名入圍者陳懿德

「最具潛質新人」21名入圍者馮子亮

「最具潛質新人」21名入圍者馮皓揚

「最具潛質新人」21名入圍者黃奕斌

「最具潛質新人」21名入圍者黃星綽

「最具潛質新人」21名入圍者詹天文

「最具潛質新人」21名入圍者蔡景行

「最具潛質新人」21名入圍者潘靜文

「最具潛質新人」21名入圍者鍾柔美