跳出大台無綫加入太陽娛樂文化嘅袁嘉敏（Candy），去年30歲人生交叉點決定博一鋪在王晶電影《鴨王》中露兩點，34D上圍被激讚，不過稍有名氣的她卻因「無人緣」惹來同業圍轟搞到抑鬱，最後連電影慶功宴都玩失蹤。
Candy面泛油光，頭髮蓬鬆，平凡行足成個鐘都無人識
避世大半個月，《頭條日報》記者憑銳利眼光終在上周六（7日）晚「捕捉」到Candy姐出關。只見她薄妝加眼鏡悶遊ifc，妝前妝後兩個樣不特止，着衫包到冚嘅Candy更加係無街坊認得出。以為一脫成名，點知兩點任睇人氣只keep得兩星期，蝕晒！
點擊看圖輯
更多相片
Candy面泛油光，頭髮蓬鬆，平凡行足成個鐘都無人識
Candy置身人堆，木無表情買嘢
嘉敏睇暖壺，最後都係齋睇無買
Candy一月底為《鴨王》宣傳時，被Dominic和Jeana咀嘴搶晒鏡，嬲到出煙
Candy置身人堆，木無表情買嘢
王晶以300萬拍《鴨王》，票房大收約600萬，又捧紅咗26歲飾演新生代「鴨王」的男星何浩文（Dominic），算有交代。
至於擺明露兩點做陪襯的袁嘉敏，戲未上露點trailer卻率先畀人無限loop，即傳出Candy喊到手震兼抑鬱。加上宣傳《鴨王》時，Candy被同場的Dominic和Jeana何佩瑜聯手夾擊杯葛，搞到Candy姐嬲爆，2月尾慶功宴no show，廢事眼冤。
嘉敏睇暖壺，最後都係齋睇無買
30歲先做三級片女星的袁嘉敏歸隱大半個月，上周六薄施脂粉現身。當晚七時許，手挽兩袋戰利品的Candy頭髮蓬鬆獨自行街，見佢漫無目的在商場兜咗一個圈，之後入超市睇暖壺和茶壺，不過都係唔啱心水，就轉身行去買茶包和咖啡粉，然後畀錢走人。
Candy一月底為《鴨王》宣傳時，被Dominic和Jeana咀嘴搶晒鏡，嬲到出煙
新一代三級女星濕平都無人認出，Candy姐心情唔多like，沿途都一直低頭行，再往中環Soho區嘅扶手電梯方向行回家。
