聘請外傭就是一場賭博。
近日一名僱主於社交媒體分享恐怖外傭的惡行，令她非常生氣，更立即怒炒姐姐。
資料圖片
該名僱主於Facebook群組「外傭僱主必看新聞訊息」表示，她日前早上叫外傭擦去馬桶內側邊污漬，事後她發現自己的牙刷有古怪。「牙刷邊花晒，牙刷新用無幾耐，而且點刷都唔會個邊花到咁，度過馬桶邊位，啲毛鬆嘅位係好吻合。」
僱主揭外傭用牙刷擦馬桶。
僱主表示姐姐在她家裏工作了一年半，大家一直相敬如賓，「表面唔算好差，有嘢都盡量忍，但做咗年半，當然有話過佢，好嬲咁鬧都有試過兩三次。」她期間已刷牙兩次，曾出言責罵對方「你咩都講大話，我以後好難再信你呀，仲點再做落去」，但姐姐懇求她不要辭去自己，於是僱主再給姐姐機會，但今次的事情實在令她忍無可忍，她在送走姐姐前問對方「點解釋支牙刷變成咁？佢話唔知。」
網民紛紛形容這名外傭「恐怖」，「講真我一直都好擔心呢啲問題，所以每日朝早當我發現我牙刷係濕嘅我就即刻換牙刷。」也有僱主有類似的經歷，「我都試過發現牙刷係臭同濕仲有啡色漬，我檢查全屋牙刷得我隻咁，我第一個工人時無發生過咁嘅事，係第2個工人心地真唔好就有同樣事情。」
有網民發現日本連鎖超市百貨Don Don Donki 疑似配合新法例，透明的壽司刺身包裝盒變成密封紙盒，但此安排卻引來大批網民狠批。
食肆由22日起開始實施外賣「走塑」轉用紙、木、竹製餐具，有網民發現日本連鎖超市百貨Don Don Donki 疑似配合新法例，透明的壽司刺身包裝盒搖身一變，變成密封紙盒，但此安排卻引來大批網民狠批，有諷指現在買壽司猶如「抽盲盒」。
FB群組圖片
Donki部份外賣壽司、刺身轉用密封紙盒
有網民在「香港茶餐廳及美食關注組」上傳圖片，可看到Donki部份外賣壽司、刺身轉用密封紙盒，代替以往透明封蓋的塑膠便當盒，疑似配合即棄塑膠餐具管制新法例。由相片所見，多款壽司、魚生飯、刺身都轉用新紙盒密封設計包裝，雖然Donki已在紙盒上貼上相應壽司刺身的產品相片，供客人參考，但顧客卻無法看清內裏食物的真貎。
FB群組圖片
FB群組圖片
示意圖。《愛回家》劇照
無法知道新唔新鮮成最大問題
網友同時亦貼出一間超市的壽司冷凍櫃相片作比較，見到依然是選用透明包裝盒，他寫到「一個唔知新唔新鮮，有幾多件都唔知，盲盒；一個仲見到自己食咩，新唔新鮮。」更笑諷現在在Donki買壽司猶如「抽盲盒」！
FB群組圖片
網民不解：法例沒有禁止使用透明塑膠盒售賣刺身
而在同一天，亦有網民上載類似的貼文，寫到「又係走塑時間啦 咁都可以？ 咁點知新唔新鮮 靚唔靚仔？」對於Donki的新安排，大部份網民對都有微言，他們諷刺新外賣包裝猶如「抽盲盒」、「扭蛋咁款好刺激」，無法目測壽司、刺身是否新鮮；亦有網民質疑「係Donki 玩嘢！法例沒有禁止使用透明塑膠盒售賣刺身，壽司及其他預製食品。」不明白Donki 為何要換紙盒包裝。笑嘆「所以營利大倒退，咁天材橋，一定天材高層設計出來」、更有人笑指「啲人話係紙盒藏司啦」亦有網民指出紙盒放生壽司，其實會好易有菌等。
