孖梁詠琪學煮日式素食 陳貝兒煮足六個鐘搞到腰酸腳痛

好似好好食～

陳貝兒（Janis）和梁詠琪（GiGi）兩位高妹同樣對西式甜品好有興趣，之前Janis修遙距的法國糕餅藝術文憑課程，考獲有關專業資格，得到這個資格可以在法國當廚師，甚至是開餐廳；而GiGi月前就帶同五歲囡囡Sofia造訪高級酒店廚房，兩母女戴上口罩，在大廚指導下與Sofia合力炮製曲奇。

陳貝兒獲法國糕餅專業資格。

GiGi月前帶Sofia造訪高級酒店廚房炮製曲奇。

好合拍的Janis在GiGi介紹下，結伴齊齊學做傳統日式素食，兩人認真學了六小時，彎身又洗又切，合共做了兩個湯、三個頭盤、一個主菜、一味甜品。雖然腰酸骨痛，但好有滿足感。

好吸引咁喎！

昨日（8日）Janis在社交網站發文：「愈來愈發覺快樂係源自於健康，多謝gigi介紹我去學傳統日式素食#精進料理。喺廚房度6個鐘頭不停洗洗切切、煎煎煮煮炸炸。其實烹飪唔單止係興趣，更加係一門修行。最後合力完成了兩個湯、三個頭盤、一個主菜、一味甜品。雖然腰已酸、腳已痛，但係十分充實開心又滿足！」

Janis表示：「西方文化常言道：you are what you eat。其實只要照顧好當下每個念頭，就會發現連煮飯食飯都係一種修行。」她還hashtag「#同學仔都笑我哋兩個高妹喺廚房度烏低身咗成日#腰酸背痛#爐頭和洗碗盤都不是屬於高妹的#就算未能日日都食得咁清未能食全素都盡量多菜少肉」。

網上圖片

最後，Janis附加補充：「精進料理係唔使用肉類或魚類，依循四季用「當季」食材烹煮而成嘅料理。在6世紀時，精進料理伴隨佛教由中國傳入日本，起初係為修行僧侶所準備嘅餐點。時至今日，對日本飲食文化感興趣嘅人逐漸增多，精進料理也隨之受到來自世界各地的矚目。」

網上圖片

網民看過帖文都紛紛留言：「整得開心，食得健康、健康生活」、「快樂泉源、貝兒愈來愈美，心善人美」、「日式法式你都玩晒，勁呀！」

陳貝兒望多外遊帶動姻緣！

為客戶提供完美奢華旅遊體驗的尊賞假期（Premium Holidays）踏入十週年，日前（4月25日）以「尊賞十年，感動每個瞬間」假中環香港美利酒店The Murray舉行盛大慶典，同時，正式宣佈星級旅遊達人陳貝兒擔任年度品牌代言人，會上進行簡單而隆重的簽約儀式。

陳貝兒受訪時表示已有五年無去過旅行，稍後也計劃家庭旅行。

十週年是尊賞假期的重要里程碑，過去的成功，時刻提醒品牌繼續為客戶提供非凡的旅程體驗。為隆重其事，尊賞假期特意邀請憑旅遊節目《無窮之路》奪得兩屆「萬千星輝頒獎典禮」最佳女主持及「感動中國2021年度人物」的陳貝兒成為年度品牌代言人，更即場首播貝兒為尊賞假期拍攝的全新宣傳影片，貴為星級旅遊達人的陳貝兒於片中以四個不同造型，帶出「旅遊，唔係一場節目」的主題，更可以親身走訪，由尊賞假期為客戶提供由南半球到北半球、從文化遺產到自然境觀，世界各地的專屬行程。

陳貝兒期待與尊賞假期有更多合作，現時大家都追求專屬的旅程體驗，這點正好與品牌的服務不謀而合。

預告現正籌備開拍新一季旅遊節目！

陳貝兒受訪時表示已有五年無去過旅行，稍後也計劃家庭旅行，又希望有機會到南極，無論工作或拍攝節目也可以。貝兒亦透露現正與電視台籌備新一季旅遊節目：「新節目嚟緊都會開拍喇，好快喺6月開拍，繼續《無窮之路》，帶大家去探索一些未知、一些新鮮的事，我自己都好期待！被問到任代言後，會否於外遊旅過程中趁機結識異性姻緣？貝兒謂：「過去咁多年，驛馬星不停動，但係呢桃花呢方面冇咩風吹草動，希望可以去多啲唔同地方識多啲朋友啦，呢一方面我就覺得真係隨緣嘅，因為確實工作都比較忙，未知兼唔兼顧到，希望會啦！多謝大家祝福！」

陳貝兒嘆驛馬星動桃花運未動，望任代言後多外遊帶動姻緣。

陳貝兒期待與品牌有更多合作，透過尊賞假期的豐富經驗及專業知識，為旅行者帶來更多驚喜及新鮮感：「拍攝旅遊節目期間，我都去過好多唔同嘅地方，對於旅程嘅安排都有一定嘅要求。希望我可以同佢哋分享自己嘅體驗，同尊賞假期一齊設計更多唔同嘅旅程畀客戶。」

陳貝兒因為主持旅遊節目人氣持續急升，雖然經常為了工作而走訪不同城市，她以往的親身經驗被冠以星級旅遊達人，亦不時在社交平台分享香港地道美食及購物熱點。尊賞假期看準她的旅遊經驗，促成是次的非凡合作，陳貝兒與尊賞假期行政總裁高鄭杏芬女士及董事總經理高俊宏先生一同於會上進行簽約儀式，最後，邀得專業旅運集團主席高偉明先生與團隊齊齊到台上大合照，場面熱鬧。

尊賞假期正式宣佈星級旅遊達人陳貝兒擔任其品牌代言人，會上進行簡單而隆重的簽約儀式。