網民著孖女回家後要將此事告訴媽媽。
外傭照顧小朋友的細節，家長好難知道得一清二楚。日前有網民就在元朗一個公園親眼目睹，有少主在提出想去廁所時，被工人姐姐責罵「你黐線㗎，有無搞錯，點解要屙尿」。
資料圖片
事發在某天早上，網民表示當時在公園內，已經見到旁邊有2個外傭坐在長凳上「吹水」。之後一個小女童玩耍完，走到外傭前面表示想去小便，但豈料對方即大罵：「你黐線㗎，有無搞錯，點解要屙尿？」
該名外傭再斥責多幾句之後，另一名外傭便起身帶女童上洗手間。過了一會兒，女童的孖生姊妹走過來，同樣提出表示想去小便，豈料同一位外傭又再開口鬧：「有無搞錯，又要去，唔准去！」
外傭僱主必看新聞訊息FB
目睹事發經過的網民忍不著怒火，開口斥罵該名外傭：「點解小朋友要去廁所你就鬧佢？」對方亦不甘示弱，亦有開口還擊，「話我唔係僱主關我咩事，做咩要鬧佢，佢（又）胡扯小朋友去廁所係玩之類。」而網民就指，估計外傭是因為覺得小朋友防礙她聊天、玩手機，所以才開口責罵。「我唔知呢兩位小妹妹喺屋企有無成日俾人鬧，但係喺公眾場合，小朋友要求去廁所都鬧嘅話，佢哋平時喺屋企係點，可想而知。」
網民之後直接跟孖女溝通，著她們晚上回家後要將今日的事告訴媽媽，又教她們如何保護自己。「另外教咗佢哋如果想去廁所嘅時候，工人姐姐再鬧你，你要同佢講唔可以鬧你。」最後網民表示，如果是這對4歲孖女的家長，歡迎與她聯絡，而外傭據指來自印尼，並且能夠操流利廣東話。
