疫情下失業爸3份兼職做足7日全職媽拒炒家傭唔搵工

社會事

疫情下失業爸3份兼職做足7日全職媽拒炒家傭唔搵工

2020年07月01日 13:23 最後更新：13:41

網民：佢自己嘆死，老公做死。

疫情下不少港人失業，陷入經濟困境。但是一位港媽卻無視丈夫苦況，他在失業後已做多份兼職，仍希望他「搵多份夜晚炒散」。港媽的朋友建議她辭退家傭或重返職場時，反被大罵一頓，於是在網上論壇發帖訴苦，引起網民熱議。

樓主在網上討論區發帖，指她有一位40多歲的朋友，有大學學位，曾在酒店禮賓部做行政工作，婚後成為全職主婦，現有兩名分別為9歲及11歲的子女，丈夫則在兩個多月前失業。「朋友每幾天便打來呻，埋怨個老公搵唔返之前的人工水平」，她的丈夫在失業前月入約3萬2，一家人居於約800呎連天台的村屋，不用為住屋問題煩惱，「所以老公份人工比較好使」。但是老公失業後「送外賣+兼職速遞員+星期六日揸uber，加埋有$25000左右」，生活「抆抆緊」，令她很不滿。

樓主勸這位朋友，說她的仔女大了，建議「一係cut咗屋企個工人，一係佢自己搵份part time」，卻被對方大罵，「話我唔想幫佢，只係想推佢出去做工」。樓主告訴她，「頭家大家都有份」，她做一份半份工好應該，結果朋友更直接封鎖她。

帖文引起網民熱議，不少網民都説港媽「虐待老公」、「佢自己嘆死，老公做死」、「無做嘢仲請咩工人？9歲同11歲都好多嘢自己搞掂」、「好明顯你朋友習慣咗畀人養，連幫吓個老公都唔肯」。不少人更安慰樓主，「呢啲朋友無咗都唔使介意」、「就咁睇佢老公好可憐，不過一家唔知一家事，可能大家傾掂數呢」。

Ohpama授權轉載

往下看更多文章

上水食店買$22燒賣驚見過數$33 店員仲想博懵呃多筆機智食客即咁做

2024年05月10日 11:30

有食客於上水小食店買了$22燒賣，以八達通付款後看單據才知付了$33，店家更著他再拍一次卡，事主這樣做免被騙。

食客買$22燒賣被收$33

該食客於Facebook群組「中伏飲食報料區」發文，表示日前到上水港鐵站某小食店購買了兩份燒賣，價值$22，當他使用八達通付款後，再看單據，竟發現自己被收取了$33。他立即向店員查詢原因，但店員卻堅稱自己並未按下$33的支付金額「我問點解收$33？佢話我按了$33？我都冇按」。

店員聲稱未過數，要求再拍卡，食客機智應對

後來，店員將收費金額調整為$22，並要求樓主再拍卡付款，但樓主拒絕，於是店單拿出單據表示沒有過數「拎住一疊機出既紙，在沒給我看的情況下說沒有$33條數」。樓主不虞有詐，拿出手機查看八達通App的消費紀錄，顯示$33已過數，店員看到後才同意將多收的$11退還。樓主懷疑店員存心詐騙「街市式博大霧昆食客$」。