網民認為「絕對要報警」。
疏忽照顧小朋友後果可以好嚴重，有港媽指在公園見到一個4歲女童被另一名男童打，而她的家長又不在身邊，一問之下才知，原來女童媽媽叫她自己落街玩，不要嘈醒BB。女童當時更不見了八達通和錢，如果沒有港媽出手相助，後果不堪設想。
女童媽媽叫她自己落街玩，不要嘈醒BB。資料圖片
港媽在「生仔要考牌系列」Facebook群組發帖，指自己和女兒在公園玩，突然聽到一個小妹妹哭喊，她當時正和兩個男仔玩耍。過了一會，女童向港媽求助，指自己被其中一個男仔打，而自己根本不認識這個男仔。
媽媽叫女童獨自落街，以免嘈到家中BB。示意圖
港媽問起女童的家人，「佢話屋企BB訓咗覺，媽媽話叫佢落街玩唔好嘈醒BB」。女童說自己4歲，一個人落街玩，而身上帶的八達通和錢都不見了。港媽當下只好帶她到區議員辦事處，請人幫忙找她的家人。港媽不禁批評「4歲嘅小妹妹咋！叫佢自己落街唔好嘈住個BB瞓？！冇嘢呀嘛？搏養少個咩！」
女童媽媽叫她自己落街玩，不要嘈醒BB。資料圖片
不少網民都感到憤怒，「絕對要報警」、「4歲一齊出街都拖到實啦! 點會比佢自己落街玩」。Getty圖片
不少網民都感到憤怒，「絕對要報警」、「4歲一齊出街都拖到實啦! 點會比佢自己落街玩」，亦有人可憐女童，「可能屋企係重男輕女!我估個BB係仔，妹妹真可憐」。另有網民分享類似經驗，也是見到一個約4歲女童，媽媽說不要嘈到弟弟，要她自己出去玩，「其實去club house都危險，佢嗰日仲要係去出面個公眾室外遊樂場！我立即帶佢去佢住嗰座，叫佢返屋企！佢話佢平時自己落樓下學畫畫」。
港男於九龍灣餐廳買三餸飯外賣，打開飯盒後發現「白菜肉片」只有4粒超迷你肉粒，店家神回覆令他更嬲。
(FB圖片）
外賣三餸飯「白菜肉片」 得4粒超迷你肉粒
該港男於facebook群組「飲食黑店大全」發文，表示日前以外賣平台購買了九龍灣某餐廳的三餸飯，分別點了白菜肉片、西蘭花蝦仁及菜心，價值60元。不過，當他打開飯盒後卻大失所望，當中的「白菜肉片」變成了「淨白菜」，在樓主的苦苦搜尋後，才發現4粒超迷你肉粒。樓主揶揄表示「你寫白菜肉扒呀嘛」。
《賭俠2》劇照
店家神回覆更火上加油
樓主心感不滿，致電給該餐廳要求退款，但店家的回覆卻出乎意料「夠膽講佢地係主打菜，肉係少啲呢啲狗話。話咩下次現場嚟到可以講多肉片」。這下令樓主怒上加怒，斷言「冇下次，希望係成個香港所有人對呢間嘢冇下次」。
《賭俠2》劇照
網民批評餐廳過份「咁做生意，點會有回頭客？」
帖文曝光後，不少網民批評餐廳離譜「咁做生意，點會有回頭客？」、「搏D人叫外賣平台睇唔到佢地𢳂餸，呢啲舖頭可以入黑名單」、「咁又真係過分咗d，夾埋都冇一片」、「唉香港啲食肆好多都已經放棄治療」、「呢啲雪藏肉本身已經唔值錢，衰到連呢啲都慳」。
《狀元蘇乞兒》劇照
網民嘲「粟米六粒飯d Friend」
有人則笑言「明明系肉扒，點食得曬？」、「買外賣真係同抽盲盒無分別」、「以為盒餸入面有幾隻牙」、「我以為煙頭」、「牙罅撩出嚟d渣仲多過佢」、「健康啲，少D紅肉，老闆是對的」、「其實係咪豬油渣炒菜心？」
《狀元蘇乞兒》劇照
有網民透露亦曾中伏
有網民表示試過同樣中伏「大圍呢間xx都係好難食，差唔多$50一個牛腩，全部都唔可以食得，根本就係柴皮」、「呢間食x，又少又多油」、「一年前去買叉燒，收50蚊比10蚊既份量我，我已經唔再幫襯」、「呢間食親都肚屙，便秘嗰陣時先食㗎，咁多油」。
早前，有食客於另一兩餸飯店，點了西蘭花蝦仁，但只有「一千零一隻蝦」。（FB圖片）
帖文來源：facebook群組「飲食黑店大全」
