「我哋冇教過，小朋友識背唐詩」。
相信不少父母都樂見望子成龍，但並非個個父母都喜歡公開表揚甚至炫耀。有網民在討論區親子王國發文，指自從加入津小、私幼的通訊程式群組後，難以理解先今有些家長素未謀面，卻好喜歡在學校群讚自己小朋友。
資料圖片
網民發文稱，暫時聽過「要考級十，沒有難度。」、「學校上堂的東西我小朋友全部識晒」、「我仔話係咁咁咁，佢唔會錯」、「我哋冇教過，但（2歲）小朋友自己一拎起書就識讀啲字」、「我哋冇教過，小朋友識背唐詩」。這些浮誇對話，令網民質疑「2歲（就識讀啲字），天才?」、「3歲，唔通日常生活用唐詩對話？」，直言「依個世界一山還有一山高」。
資料圖片
有其他網民就留言嘲諷「呢啲家長自我感覺良好」、「個個都覺得自己小朋友好精叻架啦！呢啲嘢唔使太上心嘅！」、「最鐘意個女畫完一幅畫就share比大家。然後有虛偽家長讚，而其實大家才岩入group唔識得嘅 我唔洗知你個女畫左乜，講返學校嘢就ok啦」。
AP圖片
也有網民透露遇過其他煩擾的情況，「你哋group就好... 我哋個班某幾個好鐘意分享假新聞，又無人出聲阻止佢哋」、「見到有啲家長無乜禮貌， 佢問嘢， 答左佢， 唔該都無」 、「小學group的家長比較客氣，低調，唔會點曬命，通常只會問功課，考試，通告等。但幼稚園group真係有一部份鐘意show off, 尤其考緊直私小學，大家鬥多面試，多offer」
資料圖片
不過也有一些網民寧可不入群或退群，「我有三個小朋友，都冇入過任何家長group！對我黎講完全冇問題，因為家長group係好煩，美其名係交流及提供學校資訊，但實際用途係咩大家心照，政治、分化、炫耀、無謂雜訊、學校政策完全放大再比較。我地年代都冇呢啲所謂群組咪一樣讀到書畢到業，我係好怕煩嘅人，呢啲 group唔好搞我」、「講吓學校嘢又或者間唔中講吓自己仔女我都接受到，但如果成日喺個group度post自己日常生活，例如去旅行丶去影相丶自己種花丶屋企停電...我覺得唔關我事囉！而社會運動時，家長group admin已經講清楚唔好講政治，因為大家政見不同，以免發生口角，但有部分又堅持要發表意見⋯⋯煩死！好彩最後自己退group。」
