網民叫港媽「好好保護個女!」
凑B問題上新抱和老爺奶奶時常有分歧，有港媽就在網上討論區「親子王國」發文求助，覺得老爺和幼女玩過火，不時會伸手入女兒褲內摵大髀，近日更會「揸pat pat」，令港媽覺得大為不滿和尷尬。
港媽擔心老爺和女兒玩過火。Getty圖片
港媽表示，女兒快將2歲，一個月只會帶她去老爺奶奶家中食飯1、2次，因為每次去食飯老爺都喜歡摸女兒。港媽表示，明白有些長輩對小朋友無避忌，單純想和他們玩，「而家個女識行識跑佢都係鐘意捉住佢格拉底兼心口，我哋有出聲話由得佢自己行，老爺就話驚佢跌」。3個月前有次，老爺和女兒玩耍時，「玩玩下由我女隻腳掌摵到伸埋隻手入去褲入面大脾位，我叫佢唔好再搞住我個女食嘢......當然停手咗一陣又再痴住我個女」。
而近日再到老爺家中食飯，老爺仍然會摸女兒心口，更加多了「玩摵摵」，從摵面到「叫我個女返去俾佢摵Patpat」，令港媽大吃一驚，「佢係兩隻手都揸哂落去，唔係摵，係揸！」港媽立刻大叫阻止，「佢大個喇！女仔嚟架！」，聲浪嚇到女兒，但老爺就仍然笑笑口，完全不覺得自己有問題。
回家後，港媽問女兒是否玩得開心，不料女兒就指著自己臀部說「摵」。港媽表示，正思考如何和奶奶講清楚，但奶奶也是不明事理，令她感概「無論小朋友幾多歲都好，佢地知/記得嘅嘢會比我哋想像多，真係唔好做傷害到小朋友嘅行為，灌輸咗啲錯嘅信息俾佢。」
帖文引起熱議，有人指「真係唔係幾好」、「介意就講啦！無問題！個女係你的，你覺得有問題就有責任保護個女」，亦有網民指小時候有相同經歷，「我細個時有個uncle成日咁做，離譜到坐對面都檯底伸手摵我patpat，懶好笑話我patpat好肉好摵，根本我吾鍾意又整痛我，仲要講緊我已經5、6歲喇。我可以講我好憎個uncle，你要好好保護個女!」
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
