有網民建議事主的丈夫：「馬死落地行，有咩都做住先。」
疫情下不少市民失業多時，有女網民發文慨嘆，丈夫失業半年，只剩她工作養家，但近日丈夫堅持在家涼冷氣，兩夫妻因此發生口角。女網民反問「係咪我過份呢？」
設計圖片
網上討論區「親子王國」有女網民發文，指丈夫因為疫情失業半年，她成為經濟支柱，兩夫婦任職航空業，網民現在每個月都只是出半份薪水。她透露，本來夫妻兩人經濟環境不差，但近半年疫情影響很深。
女網民提到，近日天氣轉涼，丈夫仍堅持要晚晚開冷氣睡覺，「我話晒錢，咁涼都要開冷氣，我話你交電費呀，佢竟然話有就畀你，無我點畀呀」。她慨嘆：「佢呢半年來每月都畀 $4000 我幫補下，但係我又要交租又要食，仲要畀工人錢，遲啲BB出世又用錢，其實我叫佢唔好咁涼都開冷氣，係咪我過份呢？」
女網民坦言：「我開始接受唔到好似我要養佢咁，我哋那行要搵工最快要下年四月先有機會，佢好似唔明白我嘅壓力咁」。她又透露，自己本身患有輕微地中海貧血，而且39歲才懷有第一胎，所以特別怕凍，「除咗錢之外，我仲覺得佢唔 care 我呢個怕凍嘅大肚婆」。
有其他網民留言：「我覺得係語氣問題，有時同一件事，用唔同嘅表達方式，已經可以差好遠」、「佢涼冷氣就唔好同佢計較，男人真係怕熱啲，或者好好地同佢傾吓，唔好用埋怨方式，因為佢都唔想，講出你嘅無助同不安」。
也有人建議，丈夫應該盡快轉行或者考慮辭退外傭，「馬死落地行，有咩都做住先。講真BB出世會仲多磨擦，唔係嚇你，照顧BB分工同洗錢有排你煩，不過有工人幫輕吓會好啲」、叫你老公搵part time 做。咁落去唔係辦法。」、「生仔唔一定要陪月，湊B亦不一定要有工人，如果手頭緊，你都要焗住 cut 工人。馬死落地行，為母則強。」
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
