難怪救護員嬲到震~
「浪卡」吹襲下，本港掛起八號東北烈風或暴風信號，但不少人認為這次風勢不強，照樣外出遊玩，甚至有人冒險落海暢泳一番，令一眾救護員「嬲到震」，發文怒斥危險，強調「係風球下救護員出海救你哋，我哋都是半隻腳踏入鬼門關。」帖文引起網民熱論。
有救護員指，每一次看到有人在風球下落海游水，自己與一眾師兄弟就會「嬲到震」。
有自稱任職十多年救護員的網民，在社交媒體Facebook專頁「公務員secrets」上投稿，指每一次從新聞報道上看到有人在風球下落海游水，自己與一眾師兄弟就會「嬲到震」，「請你哋諒解，係風球下救護員出海救你哋，我哋都是半隻腳踏入鬼門關」，直指這種情況下，不止泳客危險，連救護員亦然，又呼籲網民將這個訊息傳給家中長輩，「拯救救護員生命」。
有救護員指，每一次看到有人在風球下落海游水，自己與一眾師兄弟就會「嬲到震」。
不少網民都認同樓主的講法，認為「唔好累人，令唔救你唔得嘅人都要為你冒險，佢哋都有屋企人的」、「明知8號風球都仲去海邊，又妄顧消防救護生命安全」、「做人唔好咁自私」，亦有網民指出問題不止在於長輩，「有些青年人喜歡打風去睇浪和行山的一樣係劣行」。有網民甚至提議政府立例監管這些行為，「如果打風仲去衝浪玩水嘅，救得返嘅要判坐監」、「就算要救、要罰佢哋重款及一切費用自付」。
