其實，摺車都係想保障安全......
搭巴士應整理好行李，保留通道，即使是BB車也應該摺好。不過，日前有網民見到一名孕婦，帶兩名小朋友和外傭姐姐搭巴士，被司機要求摺好BB車，孕婦竟開始情緒失控，激動地指自己有產前產後抑鬱，更揚言「我要投訴你 !」
設計圖片
網民在Facebook專頁「生仔要考牌系列」分享，當時孕婦排較後位置，突然間他聽到巴士司機大聲叫道，「阿太太摺咗BB車先上車。」孕婦裝作聽不到，將BB車上的小孩抱起，遞給已孭住另一個小孩的外傭姐姐，自己就將BB車強行推上巴士。
資料圖片
司機再強調指「要摺車」，孕婦開始變得不耐煩，稱上車後會摺，並表明自己懷孕。有好心人見狀幫忙摺車，司機則待他們處理好才開車。孕婦疑心生不忿斥責司機，「我平時搭下架巴士都唔係咁 !」司機就回應指，「咁你搭下一架啦！我架係咁㗎喇！」
資料圖片
好心人出言勸止，司機不再回應，但孕婦仍在責罵，「我大住肚七個幾月，仲要送兩個返學！你知唔知我好辛苦！」又再一次激動地表示「我產前產後抑鬱㗎 !」並揚言要投訴司機。好心人扶她上前拍下車長名字，她回到坐位時仍大聲叫喊，「我一定投訴你！」最後孕婦更開始自言自語：「我上車話咗你聽我大肚㗎啦！你睇到㗎！我仲要送返學，好辛苦」。
孕婦揚言要投訴司機(示意圖)。資料圖片及生仔要考牌系列FB
貼文引起熱議，「其實坐的士都要摺車，點解佢坐巴士唔駛摺」、「大肚係你自己嘅決定同要自己負責任既事，唔應該下下全世界欠咗你咁」，亦有人擔心孕婦的情緒問題，「既然覺得自己可能有情緒問題嘅，應該搵健康院姑娘睇醫生。唔好唔睇醫生，如果唔係有機會傷害自己同小朋友」。
