人到中年仲生唔生?!
一名40多歲港媽在網上討論區「親子王國」發文，指近日突然有懷孕症狀，一旦證實懷孕，人到中年應否繼續分娩。
資料圖片
這位港媽40多歲，兒子都已經20多歲，她近日「子宮同卵巢扯住痛，個肚又實咗咁款」，有少許擔心是否與丈夫歡愉過後意外懷孕。她又感嘆，家中飼養的黑貓剛剛離世一個月，懷疑「隻貓係咪想投胎…見媽咪仲日日掛住佢」。
她猶豫，「話哂生囝經驗已經係廿幾年前嘅事，咩feel完全唔記得」，「如果真係臨老又中獎，生定唔生多個好」，「正當您重拾緊十八廿二自由自在，自己賺錢買花戴、準備養老時，突然上天揈多件過嚟，您又唔係大把錢，您會唔會照生？」。
網民擔心自己高齡懷孕苦惱應否生育。設計圖片
她也自問，「如果想生都只係因為覺得阿囝係獨生，如果有多一個屋企人陪伴佢會好啲，不過年紀真係相差太大，如果我真係响呢個時候走嚟有仲要照生嘅話。其他因素真係覺得唔會再生，話哂放咗監收山咁耐，又要由頭嚟過，no way。」
Getty圖片
網民議論紛紛，有網民奉勸「會考慮下自己經濟能力同體力，湊都幾花體力精神」、「40幾仲捱到又攰又殘，咁更加唔生啦，個仔廿幾歲，甩咗身又嚟過，唔好卦」；有人又擔心「個仔都咁大，而家先嚟生件出嚟，我最怕比人以為係孫點算」、「廿歲仔，好命自己都做人爸爸，對新生BB細佬/妹嘅感情，未必如妳所想吧！起碼，我家那位少年一定唔接受 。而且，兩公婆都過了40，又唔係遲婚亦不是無兒無女，都無理由再育養一個B。」；不過也有人認為，「我自己覺得如果有，是天意，是上天賜的生命，我會生」
GETTY圖片
當事人昨晚又再補充，「我應該唔中，呢幾日子宮冇再痛喇，又冇再肚實，根據經驗，真係有，我已經開始見肚。」。
