咁樣教個孫
一名港媽不滿乖仔每次與爺爺見面後都會「做曳嘢」，包括拎玩具掟人、拎棍打人等，原來老爺認為「個孫太乖」先教壞他。
新抱不滿乖仔被老爺教壞。Getty圖片
一名該名港媽在Facebook專頁「生仔要考牌系列」發文，指兒子在自己的教導下，是個會見面叫人打招呼的禮貌孩子，既聽話又乖，但他每次與老爺見面後就會學壞，「老爺會教佢拎玩具掟人、拎棍打人和企喺梳化邊位跳等等，做埋啲有機會整親自己同傷害到人嘅事」，樓主對老爺的做法感到不解，兒子每次被教壞後，自己還要花一段時間教導和糾正他錯誤的行為。
GETTY圖片
老爺前天又故技重施，老公見樓主面有難色，就問奶奶老爺為什麼這麼做，「奶奶話老爺覺得我個仔太定太乖。」樓主形容，這是什麼歪理，「有邊個唔想小朋友又乖又聽話？唔通要教到佢一出街就被人鬧，被人話周圍跑整親人先至叫好？」樓主當日抱起孩子入房將門緊閉，等老爺走後才開門。樓主崩潰指，「以後好想老爺奶奶嚟都唔俾佢哋入屋。」
GETTY圖片
有網民表示的確有人會喜歡「曳孩子」，「我以前個男朋友，講到明如果以後有細路，不論男女，都唔可以文靜，因為要嘈到拆天先似小朋友，有次見朋友個仔好靜，鍾意一個人砌積木，然後返屋企途中，佢話人哋個仔有問題！」，亦有人解釋可能老一輩思想覺得做小朋友要活潑一點。
