乘客金牛當紅衫魚付車資老實的哥網上尋人欲還錢

社會事

乘客金牛當紅衫魚付車資老實的哥網上尋人欲還錢

2020年10月31日 10:48 最後更新：12:15

司機抵讚!

香港人生活經常匆匆忙忙，搭車唔小心畀多咗或畀少咗錢都好常見。不過，最近有的士乘客竟將千元紙幣誤當百元紙幣俾咗的哥，而該名好心的哥則急忙在網上尋人，希望將收多的錢還給這名「慷慨」乘客！

有自稱的士司機的網民早前在社交媒體Facebook上發文，指自己開完工回到家點算收獲時，竟在一堆100元紙幣中發現一張1,000元紙幣。他相信是有冒失的乘客不小心畀錯錢，於是他立刻在網上「打鑼打鼓」，希望尋回這名乘客，「如果尋晚坐車比錯1000當100洗，可PM我講返上車落車時間同埋確實地點」，更指會「無條件交還900（元）」。而且這名的哥更相當醒目，表示「唔好打算博大霧，我記得大約咩時段做過咩客」。

不少網民見狀，都紛紛表示這名的哥好抵讚，「你呢啲係叫正常同應受到尊重嘅的士司機」、「欣賞你，而家冇乜咁誠實，唔怕麻煩嘅人啦」、「良心的士司機」。另外，亦有網民分享，自己都曾試過將千元紙幣誤當百元紙幣畀咗的哥，亦遇到好心的哥主動還錢，「咁啱嗰次我去咗一間寵物診所，真係有好心嘅的士司機專登揸返轉頭去診所搵我畀返錢我」。

往下看更多文章

幸運兒中六合彩二獎捧走80萬慷慨公開獨門落注心得

2024年05月04日 12:30 最後更新：15:35

每逢六合彩有巨額彩金，便又是全城打工仔一起發白日夢的好時機，日前網上就瘋傳自爆中80萬元六合彩二獎的幸運兒現身，慷慨公開自己的獨門落注心得。

幸運兒「齊齊研究六合彩！」分享中獎喜訊

近日有網民在fb群組「齊齊研究六合彩！」發文，該名幸運兒網友自爆「第一次中二獎，終於都可以相信吓係會中到二獎。我今朝返到公司先開嚟睇，我以為頭獎，激動到我爭啲叫出嚟」貼文一曝光很快掀起熱議，一眾網友紛紛激動留言：「真係第一次見到post二獎，恭喜！」，並笑言「這個群組真好，可以見證到有人中獎的喜悅」、「本谷之光，讓全谷友與有榮焉，十分興奮」。

大方分享獨門投注心得

還有網友詢問幸運兒的投注心得，「除了恭喜還是恭喜外，最想問師兄想知呢6個號碼係你一直都買開呢六個號碼，還是你亂揀？還是你用生日日子揀？」，而幸運兒也大方公開自己的投注心得，指幸運全部是「自己揀，係覺得有機會開多數我選幾組，小中大咁組」，該網友還補充到：「一組可能有三個連著的號碼，一組可能隔住咁買，跟住細中大咁」。