港姐五強企硬不P圖不美白 34D何泳芍要做天然美女

自自然然咪幾好睇

2018年參選港姐時，何泳芍（Honey）憑34D「心形胸」與Fit爆小麥色Body深得網民歡心，惜最終五強止步，輸給陳曉華。早前，更傳因「樣衰」而被飛出節目《學是學非》！常說「一白遮三醜」，由細到大都被嘲似「賓賓」的Honey就堅拒美白，誓守一身健康膚色：「有屆世界小姐係菲律賓人，真係好靚，所以我好Proud to睇落似菲律賓人。」更謂帶頭做Role model，做個不P圖、「有瑕疵」的天然美女！

由細到大都被嘲似「賓賓」的Honey稱做個不P圖、「有瑕疵」的天然美女。

就算由細到大被指唔靚，Honey都沒有被打沉，堅決做一個非典型天然美女。

簽約無綫後，何泳芍在旅遊節目《3日2夜》大騷火辣身材，憑34D脹卜卜上圍獲網民關注！雖然演出機會接踵而來，但今年6月，Honey忽然傳被高層嫌「樣衰」，更找來陳欣茵頂替她於《學是學非》的位置，Honey笑住否認：「其實我都係港姐Top 5，呢啲新聞信3成啦，啲高層都好無奈，只係完咗呢一季，節目本身都不停換主持，而我一直都有工作，證明傳言唔係真。」

本來任職潛水教練的Honey不時於社交網分享性感泳衣相，大晒34D好身材。

說到一身健康膚色，Honey向《頭條新聞》直言年幼時都自覺醜樣，更自小被嘲似「賓賓」，「我係醜小鴨，但未覺得自己變天鵝。因為香港人唔係好鍾意好Tan嘅女仔，細個會俾同學笑，以前都覺得自己唔靚，父母都同我講：『白番啲啦』，媽咪仲覺得我入唔到港姐決賽，但而家我會以唔同角度睇自己，唔介意人哋批評。」想法有所改變，全因早年到美國留學令她重拾自信，「外國人好鍾意我嘅膚色，見到好多偶像都好Tan好靚，我覺得香港都可以有咁嘅偶像，而唔係得一種靚，所以我堅持唔美白，呢個底線一定要守！（公司唔畀曬黑？）公司鍾意我呢個Style，但都會叫我唔好曬太黑，咁Cameraman同打燈係好難做嘅，尤其做《學是學非》拍埋馮盈盈呀最白嗰幾個。」

原為節目《學是學非》擔任主持的Honey(右二)傳因「樣衰」而被飛出。

早前為旅遊節目《3日2夜》到布吉取景的Honey初嘗「天體」Spa。

2018年，Honey以大熱姿態殺入五強，惜最終輸給陳曉華、鄧卓殷和丁子田。

Honey否認被高層嫌棄，又興奮表示近日有份演出新劇《智能愛(AI)人》。

新劇中與陸永（左）不乏對手戲，自言笑點低的Honey最擔心忍不到笑。

Honey表示最想同黎耀祥合作，大讚對方有實力，甚有Tom Hanks味道。

Honey自言若角色有得發揮，性感底線可以去到好盡，即電視上最大的尺度。

熱愛運動的Honey對靚仔冇情意結，反而喜歡好動的Sunshine boy，並視劉青雲為男神。

然而入行後，Honey也為減肥壓力大到一度患上暴食症，當時她一日食一餐，試過餓到一次鯨吞3個麥記餐，還要經常食到嘔為止！幸及早發現，她開始逼自己拋開減肥的念頭，正常地飲食及做運動，如今Honey亦不再過份在意別人目光，更不會理會網民的惡意抨擊，「我留意到大家愈嚟愈嚴謹，見到件衫鬆就話人凸腩，令啲女藝人不停P相，但現實中唔會有完美嘅嘢。我而家都唔P圖，因為唔想製造唔真實嘅Standard畀後生女去Follow，希望由自己做起，改變其他人對於Role Model嘅諗法，作為藝人除咗靚，都要有啲社會責任、教育意義畀後生女。」因此，最近她撈過界做YouTuber，拍片大談情緒病、暴食症等心理輔導話題。

Patrick Sir作上述假設是想帶出介紹的書《可不可以不變老？喚醒長壽基因的科學革命》

以推介好書為宗旨的J2長壽節目《開卷》，由林溥來（Patrick Sir）帶領何泳芍（Honey）、伍韻婷（Juliana）及涂毓麟（Oscar）主持，逢周一晚10點05分J2（82台）播映。今集節目一開始，林溥來（Patrick Sir）便拋出一個頗有哲理的問題，他假設︰「已知未來嘅你100歲時，身體機能同30歲無分別，咁你現在會有咩轉變。」何泳芍（Honey）表示會生好多小朋友，到將來可以跟兒孫一起玩及生活；伍韻婷（Juliana）則會更加慢活，多睇幾本書；至於學霸的涂毓麟（Oscar），依然熱衷追求知識，會選修讀不同學科增進知識。而提出問題的Patrick Sir，花式自殺式回應︰「想娶多幾個老婆，因為太多時間。」，在場幾位主持聞言，均露出震驚表情，Honey更揚言︰「呢集應該係佢最後一集……」

Patrick Sir話假如人可以活到130歲，對各人目前生活會有何改變。

Patrick Sir幕前花式自殺，聲稱「想娶多幾個老婆」。

（左起）Oscar、Patrick、Honey及Juliana。

Patrick Sir作上述假設是想帶出15日介紹的書《可不可以不變老？喚醒長壽基因的科學革命》，作者分別為Matthew D. LaPlante及David A. Sinclair，Patrick Sir說︰「DavidA. Sinclair係美國哈佛大學醫學院終身教授，從事逆齡、抗衰老研究數十年，佢自己都接近60歲。」他解釋推介這本書的緣起，跟近日坊間的營養產品，都全力推介NMN（煙醯胺單核苷酸）有關。這款元素差點被捧為現代「長生不老」藥，而最先出NMN功效的，正是《可不》這本書，他補充︰「簡單啲講人老是因為細胞衰竭，唔想變老就要修復細胞。」而據稱NMN可以改善線粒體（Mitochondrion）老化，提供足夠營養活化細胞。不過Patrick Sir同時提到書中亦講明NMN並非萬能，要靠運動及健康的生活配合，沒有垂手可得的青春。今集內容非常有趣，絕對不容錯過。

今集推介哈佛醫學院教授有份參與寫作的書。

《可不可以不變老？》提出很多新概念。

《可不可以不變老？》以類似日記形式寫成。

此外， Juliana跟Honey被要求介紹一本書給「一位不認老的人閱讀」，Juliana推介的作品為《How to grow old》；而Honey直言自己亦不肯認老，早前便受到一位小妹妹講「唔該晒姨姨」打擊，笑言未ready接受之餘，她介紹了《我想看妳變老的樣子︰明天的女人，比昨天的女孩更精采》，單看書名已夠吸引。

Honey及Juliana分別推介兩本書，讓不肯認老的人閱讀。

Juliana介紹《How to grow old》。

Honey介紹《我想看妳變老的樣子》。