防疫意識真係好低！
幼稚園教師疑和學生面貼面除口罩拍照。網圖
因應近日過百間學校爆發上呼吸道感染個案，教育局已公布幼稚園及幼兒中心本月14日起暫停面授課堂。不過有家長在網上發文投訴，指早前萬聖節，在兒子就讀的幼稚園，竟然有老師無視疫情，與學生脫下口罩面貼面自拍，事後還張自拍照上載至個人IG，令家長震怒：「我真係好嬲！完全接受唔到！」
設計圖片
有家長在網上討論區「親自王國」發文，可見穿上萬聖節裝扮的老師先後和9位學生合照，只有一張相有戴口罩，其餘全都是脫下口罩。「老師竟然同全班同學輪流自拍，面貼面，有啲小朋友甚至錫錫老師塊面！老師好明顯dress up晒，借啲小朋友自拍打卡，放上IG俾我見到！」她表示疫情已令家長很大壓力，老師的做法令她非常憤怒，「如果真心愛錫學生，絕對唔可能叫佢哋除低口罩輪流合照！」
幼稚園教師疑和學生面貼面除口罩拍照。網圖
該名家長表示有向學校反映事件，但校方未有積極跟進，批評校方只想淡化事情，「呢件真係一件咁小嘅事咩？大家好彩，無群組咪小事囉，真係要等出事先後悔？」
幼稚園教師疑和學生面貼面除口罩拍照。網圖
帖文一出引起不少網民的回響，有網民指「平日要教哋帶好口罩已經好花心機，老師竟然帶頭教小朋友除口罩自拍？有無搞錯」、「老師放小朋友相片上私人IG真係接受唔到」、「老師欠缺專業操守和防疫意識」。
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
