8歲仔被頑童搶「超人卡」 遊樂場斥盜竊贈同款卡安撫

男童的媽媽說：「我同呀仔都覺得好夢幻呀」

大埔大元商場一間兒童遊樂場日前發生不愉快事件，一名在店内遊玩的8歲男童，在專注遊玩期間，一不留神，突然被另一名在旁觀看的小朋友奪走其心愛的「超人卡」。遊樂場事後斥行為是盜竊，並向苦主贈同款卡安撫。

男童獲贈超人卡後重現笑容。「萬家歡兒童場」圖片

「萬家歡兒童場」在社交專頁指，遊樂場職員得悉後協助處理。為了讓該名因失去心愛卡牌的小朋友能重拾快樂，店方努力在各大平台尋找同款卡牌，並於昨天已送給苦主以表心意，同時邀請苦主免費參加一次店方12月舉辦的夾公仔大賽，希望他能開心。

店方斥責，擅取他人財物的小朋友行為形同盜竊，希望涉事小朋友或其家長發現後，能盡快物歸原主。 店方稱，絕對了解苦主的心情，店方必定盡能力處理，再對受影響的家庭表歉意及遺憾。

事後有熱心網民紛紛願意割愛或代為上海外網購網站搜索。Hei Chau圖片

被人強奪心頭好的男童母親20日曾在「Tai Po 大埔」群組求助，指當日下午5時左右，兒子在遊樂場玩超人卡機，「當時仲有個大概小四、小五嘅小朋友，襯(趁)我仔局game都未玩完，忽然伸手搶咗我仔仲玩緊果張$250嘅卡就走出門口，我剛行開望緊後面啲夾公仔機， 佢就對我仔出手」。

男童母親透露，「佢（疑犯）走時唔心急唔係跑，係扮同我仔講嘢，邊起身，一邊依依哦哦但好細聲講一大堆嘢，我仔聽唔清楚，以為佢只係問可唔可以借嚟睇，仲想叫佢放低，點知佢已經行到近門，一出外面就走得快」，兒子於是追出去但無功而回。

基於私隱問題店家及保安公司不能公開閉路電視片段，兒子幾日都不肯重回傷心地。但昨日「聽到話有卡送，終於氹到呀仔重臨傷心地，竟然送返一張一模一樣嘅卡俾呀仔，真係估唔到呢間公司對小朋友咁有心！因為要搵呢張卡都唔容易，數量好少咯！我同呀仔都覺得好夢幻呀」。

男童獲贈超人卡後重現笑容。「萬家歡兒童場」圖片

這位媽媽又教導兒子，「靠自己努力得到嘅先係最好。 靠搶靠呃，終有一日出事嫁！」她又指，「最大責任緊係搶嘢果位小朋友啦，希望佢識諗，上得山多終遇虎，好自為之喇。仲有佢父母，遲啲俾賊仔偷咗副棺材本，就唔好喊喇」。

事後有熱心網民紛紛願意割愛或代為上海外網購網站搜索，網民亦稱讚店方處理手法，「好人好事」、「小朋友，真係好開心，由心笑出嚟」。

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」