家中有成年男士，外傭也應多注意言行，有網民就表示，女友人聘請的外傭晚上洗澡後，經常便換上一件性感的喱士睡袍，由於家中有男士，女友人於是要求她加穿外套，惟被對方以「私人時間」為由拒絕，引發網民熱議。
資料圖片
網民在「外傭僱主必看新聞訊息」Facebook群組分享，其女友人問了她一個「好攪笑嘅問題」，稱家中的外傭最近購買了幾件性感的喱士睡袍，每晚洗澡完之後便會穿上，「沖完涼就穿著騰來騰去」。因為女友人的老公也在家，女友人要求外傭出客廳時便要加穿外套，但被對方以「好熱」為由拒絕。「叫佢加件外套佢話好熱，叫佢返自己房先穿，因為有男人唔方便，如果出㕔就要加件外套。」
外傭每晚換上性感睡袍，令女友人非常苦惱。網圖及外傭僱主必看新聞訊息FB
之後雙方再就同樣問題作出討論，外傭則以「私人時間」為由，表示10點放工後是其休息的私人時間，再次拒絕「穿外套」的要求。「外傭答佢10點後是休息時間，係私人時間所以佢唔想喎⋯⋯」
資料圖片
最後該名網民補充指，女友人決定在除了洗手間和外傭房間外，全屋加裝鏡頭，以保障家人，「佢老公話費事條友屈佢喎！佢哋話佢做嘢尚算ok，依家咁環境請人又煩，所以同佢講過要檢點啲」。
資料圖片
帖文引起熱議，有網民指「其實直接問下公主係咪想著俾先生睇？然後先生俾返意見」、「休息時間就請佢返入房，廳係大家嘅common area，佢衣著過分性感唔適合，亦令僱主覺得唔舒服」，亦有人分享「我前工人，屋企請客有男客人，佢見到有男客人，立即回房換咗件白色喱士衫仲要唔帶胸圍」。
