夫婦staycation搬床賠$5000 發文提醒千萬不要亂動酒店物品

帖文引起網民討論

在無法外遊的情況下，不少港人都喜歡到酒店staycation。近日一名網民分享指與丈夫入住酒店時，因自行搬床，疑不慎刮爛床頭布牆，需要賠償5000港元。網民自覺理虧，只好賠錢了事，她亦提醒其他網民不要亂動酒店房間的東西。

一對港夫婦因自行搬床，需賠償5000港元。Getty圖片

一名網民上周五（27日）在FB群組「留港度假、本地酒店住宿優惠」發文，指近日與丈夫預訂了一間雙人床套房，在登記入住時發現可以加錢升級至海景房，於是決定升級，但職員表示海景房只剩單人床套房，酒店可免收升級費作補償，事主考慮後便決定入住單人床套房。

一對港夫婦因自行搬床，需賠償5000港元。示意圖

入住後，事主發現2張單人床的距離不遠，「於是老公就推郁其中一張床，推下床頭床尾，泊成一張大床，推完後其實中間仲有啲虛位，沒有推盡的，於是推埋床褥去就可以貼埋格離床」。

一對港夫婦因自行搬床，需賠償5000港元。Getty圖片

到離開酒店後，事主接獲酒店通知，「執房時發現我地𠝹開咗幅布牆，𠝹開位置是床頭後面，大約係1支筆嘅長度，形狀係左右掉轉7字咁樣，布牆入面棉花都露咗少少出嚟」，需要事主賠償5000港元。事主看到酒店傳來的圖片時亦嚇了一跳，也不肯定是否搬床時𠝹爛，指當時好小心，亦聽不到任何有撕裂的聲音。

事主曾向酒店解釋，但認為始終是他們擅自搬床，所以決定賠償了事。事主亦表示「我寫上嚟唔係想分析件事邊個啱邊個錯，只喺想知大家有無遇過、聽過類似情況而要賠錢比酒店呢？」。

一對港夫婦因自行搬床，需賠償5000港元。Getty圖片

帖文引起網民討論，有網民讚揚事主勇於承擔，「樓主好有責任」、「樓主的態度令人十分欣賞」，亦有網民指酒店不可以隨便亂動，「其實郁動房內傢俬就有機會整爛牆身或地氈」、「唔應該郁人地張床，有乜嘢你後果自負。酒店有權利向你索償」。

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」