麗晶花園爆疫 區議員畢東尼英國探親兼退居民群組 被鬧：念力辦公？

九龍灣麗晶花園爆發嚴重疫情，其中第6座恐成淘大花園E座翻版，部分居民需要隔離檢疫，政府亦要求指定座向及單位的人士要接受強制檢測。不過，麗晶花園當區區議員畢東尼近日就未見身影，原來佢一早訂咗機票去英國探囝囝。

畢東尼FB圖。

畢東尼星期一（12月7日）發文話，2020年已經來到最後一個月，自己同遠在外國的家人分開咗10個月，錯過了兒子們的成長時光，所以自己無論如何都希望能在2020年同家人見一次面，其後又上載食炸魚薯條的相片到社交媒體。

建制派設立的社交平台專頁「議會監察」揶揄畢東尼「念力辦公」，鬧佢「喺FB開心share啲遊英照，仲連食炸魚薯條呢啲風流快活嘅相都出埋，但係就竟然話自己『時刻留意』麗晶本區情況，唔通佢『公務』考察緊英國食肆嘅防疫工作？」。

「議會監察」貼文

畢東尼後來已悄悄將食炸魚薯條的帖子刪除，改稱「東尼因就醫而身在英國」，聯絡各觀塘區議員到場協助。

但建制派KOL李梓敬之後就發貼踢爆，畢東尼不單在居民水深火熱時遊英，還懶理街坊求助，即時退出居民群組。

李梓敬貼文，質疑畢議員齋出糧，唔使做嘢。

畢東尼區議員辦事處專頁昨晚就自己轉載媒體查詢嘅回應話，自己覺得群組溝通不太有效率，就退出群組，請居民私下搵佢，又話目前無計劃提早回港，跟兒子10個月無見面，取消行程「過不了自己那關」。

高人話，麗晶花園已成疫區，作為當區區議員，選擇在這個時刻赴英探親團聚，居民鬧爆都不出奇，亦難怪建制派人士質疑咁樣的議員只出糧，唔做實事。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。