樓價升完再升,特別係細價樓升到離題。差餉物業估價署最新數字,6月份的私人住宅單位售價指數為300.7,衝破300大關,指數更連續上升16個月,單是上半年已累升8%,今年6月指數比 去年同期升約20%。
430呎以下的私人住宅單位售價亦有顯著上升,尤其是新界區,平均售價超過453萬,比去年同期上升26%,九龍區及香港區的平均售價亦分別上升約16%及15%。
政府面對這種樓價,自然有出招控制樓市的壓力,政府消息人士私下話,打擊樓價辣招出咗咁多, 金管局又收緊埋按揭到六成,樓價都係照升,都唔係咁易話出乜嘢招就可以馬上打低樓價。 佢話政府出招的方向都是差不多,不外乎加稅和減按揭成數,但亦要衝量政策的負面效果。
政治任命官員有壓力出招平抑樓價,但公務員官員就較關心再出招之後,萬一樓市下跌時,這些招數能否撤回。之前出加稅辣招時,法案要過立法會已費盡九牛二虎之力,主要是商界反對。但反過來到樓市下跌時,想撤招泛民又會反枱,所以出招不易收招更難,若遇上跌市又不能撤招,怕樓市會災難性崩潰。
消息人士話,是否出招是兩難題,若細價樓係咁持續向上,政府最後難免要再出招,但如何出招也相當頭痛。
Ariel
** 博客文章文責自負,不代表本公司立場 **