人情還人情，數目要分明？
網上討論區「親子王國」有網民發文，指叫友人上門打邊爐，但對方沒有夾錢之餘，「佢同佢男朋友清空晒我雪櫃」。網民大為不忿，寧願「以後都唔再請佢哋來」，並向網民求教如何是好。
韓式部隊火鍋（設計圖片）
不過一些網民留言就指，登門作客甚少會叫客人出錢，「無試過叫人夾錢，當請朋友共聚。朋友大多會自動波買酒，蛋糕，生果」、「除咗讀書時期，我去人屋企同請人上我屋企，都無試過夾錢，除非叫外賣有數計，都係大家隨意一人出啲，介意不如出街食AA」、「朋友上嚟我屋企食飯唔會要人俾錢。我上朋友屋企都未試過要夾錢」、「我請朋友上屋企食飯，我唔會要人夾錢，咁核突」。
網民不忿友人上門打邊爐沒有夾錢還食清空雪櫃。示意圖片
有人認為要視乎發文者是否事前解釋清楚，「人哋可能以為你請， 你都講叫人上來」、「如果你係預咗夾份嘅，最好就早講聲，又或者叫對方買下一啲嘢分擔。」
GETTY圖片
也有人習慣作客時主動出錢，「我從來都唔會唔夾，就算無提，我都預咗夾錢，點都唔想人哋蝕。人哋又買又拎又洗又切，食完仲要清場，好多嘢做。通常上去之前，會再問有無嘢要再買」、「禮貌上會問下夾幾錢，如果知道唔洗夾，就會買啲嘢上去送禮或一齊食，咁樣好睇啲，熟都係咁話，因為人哋會覺得無家教」
打邊爐 資料圖片
