社會事
全港學校昨日起可以恢復面授課，不少學生都開心終於可以回校見朋友，不過有家長就抱怨學校的復課時間表不合情理，上午在家網上授課之後，下午要趕回校上課，大呻「玩完我哋啲家長未？」。
設計圖片
有家長在「不願小朋友成為功課奴隸」Facebook群組分享3個孩子的上課時間表，質疑教育局安排不合情理，詳情如下：
哥哥：9-11點zoom , 1半-3半回天水圍學校上課
細妹：8-1點zoom/3月1號返屯門碼頭學校上課
細佬：9點樓下幼稚園可湊到8點（感恩）
設計圖片
帖文引起熱議，不少家長也紛紛分享子女的復課時間，「我大女又係830-1230zoom，細女幼稚園又話1030-1200番學；你話係咪玩野！我點分身湊兩件呀」、「我兩個女，大800返學校上堂，細800屋企上Zoom但又一齊放學，玩死班家長」。
設計圖片
不過也有人認為「其實關教育局咩事呢？揀唔同地區學校返學係家長嘅選擇，上堂嘅安排又係個別學校安排嘅」，有人則建議「睇下有冇住附近嘅家長可以幫幫手，留家上zoom嘅暫託一下」。
視障女帶導盲犬搭港鐵疑遭老翁歧視指罵，委屈落淚反擊獲乘客仗義力挺。網民心痛：狗狗眼神好無奈。
（FB影片截圖）
背心老翁疑不滿視障女子帶導盲犬搭地鐵
有網民於Facebook群組「香港突發事故報料區」轉發一段影片，事發地點為港鐵車廂內，影片顯示當時車廂內有很多乘客，一名女視障女坐在座位上拉著狗繩，一隻戴著導盲鞍的黑色導盲犬拉布拉多，則趴在女主人的腳邊。
女子疑受遭男乘客斥責委屈落淚，隔離女乘客連忙安慰，並指著站立於車門前、穿灰色羽絨背心的老翁說「佢唔識啫，唔使喊！」老翁轉過頭來，質疑狗狗並非導盲犬「做乜嘢導盲犬啫⋯」視障女子立即反駁「我盲睇唔到你啫，你無盲，點解睇唔到係導盲犬？」
（FB影片截圖）
乘客仗義挺身，幫口發聲！
當時亦有乘客仗義挺身，幫口說狗狗身上有寫明是導盲犬「佢係導盲犬嚟㗎！」、「寫到明係導盲犬」。老翁見勢色不對，便擰轉面停口。有乘客疑對老翁的無知感驚訝，表示「好得人驚」。有乘客則估計背心老翁怕狗，所以看狗狗不順眼。而導盲犬則一直乖乖趴在主人面前，好似知道被歧視，露出可憐委屈眼神。
（FB影片截圖）
事件曝光後網民批評老翁無知
影片曝光後，老翁的無禮無知行為引起公憤「咩年代呀，導盲犬都吾識」、「連導盲犬都唔知？乜人來架？」、「點解而家啲老人家咁冇知識嘅，連導盲犬都唔識真係可悲」、「同呢D人講野嘥時間，叫佢有咩不滿一係揾職員，一係報警」、「我都睇完佛都有火，盲人帶導盲犬正常，如果個叔叔感講既話係可以告話人該知歧視傷殘人仕架」、「眼疾可以有導盲犬，智障真係救佢唔到」。
（FB影片截圖）
網民心痛狗狗的遭遇
亦有不少網民心痛導盲犬「嚇親隻狗」、「狗狗眼神好無奈」、「狗狗好無辜」、「我只係覺得一隻狗做導盲犬，緝毒犬好慘」、「狗狗眼神好無奈，好唔開心」、「狗狗好驚咁」、「導盲犬為人服務 ，應得到尊重」。
帖文來源：Facebook群組「香港突發事故報料區」
