真係奇人奇聞~
人在職場上總是充滿奇趣的八卦趣聞，有網民在社交網分享公司有同事被解僱後，半個月後再次出現公司，並自稱早前撞車造成局部性失憶，完全無印象已經離職，所以再返公司開工，更承諾將來一定聽聽話話，俾心機做好呢份工。
Getty圖片
網民在《辦公室日報》專頁分享，指公司貨倉部門有個同事「阿偉」，因為做事無交帶，整天遲到曠工，令到上司忍無可忍將他解僱。被炒之後有個早上突然見阿偉在公司出現，起初該網民不知發生什麼事，以為只是回來拿支票。
貨倉同事稱失憶繼續番工。資料圖片
原來阿偉自稱早前撞車造成局部性失憶，完全無印象已經離職，所以才回公司開工，當知道真相後即刻求上司可給予多次機會，更稱無印象以前經常遲到，承諾將來一定聽聽話話，俾心機做好呢份工。最後上司因為暫時未請到人，就留他繼續工作，他亦承諾會帶醫生紙回來，但到了第二日阿偉再次「消失風雨中」。
Getty圖片
網民搞笑問其他同事，「咁究竟阿偉而家係真失憶，復工後第二日唔記得又要返，定係恢復咗記憶，記得自己已經唔使返工呢？今日冇返工係失憶定有返記憶呀？」
其後網民指在阿偉消失一星期後，有「大耳窿」打電話追數，過幾天更有幾位惡形惡相的大漢到公司找他。謎底亦終於解開，原來阿偉上星期去三四線財務公司借錢，但阿偉第一期已經冇還，所以搞要打電話甚至上門追數。至於當日他自稱失憶返工，原因是因為財務公司要打電話確認他的工作證明，所以特意「扮失憶」返工，親自接電話確認。在拿到錢後，又一早無打算還，所以第二日就無再返來！網民更稱事隔半年，已經無人再找到阿偉。
Getty圖片
網民都留言紛紛表示驚嘆，「真係奇人奇聞！我真係一世都估唔到會有啲咁嘅人！」，「真實果真比小說更離奇！」，還有網民表示，「其實佢要唔要去考慮下做演員或者編劇，唔好嘥咗佢呀嘛咁有天份！」
資料來源：辦公室日報
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
