事主形容衰過賓館。
疫情下港人「想飛」無望,在無法外遊的情況下,不少港人都喜歡到酒店staycation,務求過下旅遊癮。近日有網民在社交專頁「Staycation Hong Kong Hotel」facebook發文和相指,早前入住尖沙嘴一間5星酒店,打算開開心心玩下,HEA下,豈料發現酒店衞生情況惡劣,房間廁所馬桶上驚見疑似嘔吐物和頭髮。
「Staycation Hong Kong Hotel」FB圖片
事主投訴後,獲安排換房,竟見另一房內有曱甴爬行。酒店事後派員清理房間,事主嬲爆,形容衰過賓館,話「唔會再去」,事主又指酒店致歉,並稱會提供late check out和下次入住upgrade間房,惟他都拒絕。
「Staycation Hong Kong Hotel」FB圖片
網民「Jimmy Yau」在Facebook群組「Staycation Hong Kong Hotel - 留港度假 本地酒店住宿優惠」發文指,剛尖沙嘴一間酒店Staycation,但十分失望,形容房間衞生情況「好差」。事主指,起初他獲安排第一間房,但「馬桶有類似嘔吐物同頭髮係上邊,好核突,要求執房」,職員指「呢啲係回湧」。事主獲轉左另一間房,但入去驚見有曱甴,正在爬行,他隨即投訴,職員派人上房捉,事主話:「捉完都成晚瞓唔着,成日驚住有曱甴爬上床。」
第二日,事主稱,check out時front desk經理前來道歉,指會搵滅蟲公司來處理,「酒店offer比我late check out或者下次我嚟幫我upgrade間房。我兩樣都拒絕咗。」事主直言住得「唔舒服」、「想early check out添」。不少網民驚訝,直言「無諗過5星都咁」、「有曱甴仲瞓」、「下次唔好揀了」。
「Staycation Hong Kong Hotel」FB圖片
原文:「Staycation Hong Kong Hotel」facebook
有網民發現日本連鎖超市百貨Don Don Donki 疑似配合新法例,透明的壽司刺身包裝盒變成密封紙盒,但此安排卻引來大批網民狠批。
食肆由22日起開始實施外賣「走塑」轉用紙、木、竹製餐具,有網民發現日本連鎖超市百貨Don Don Donki 疑似配合新法例,透明的壽司刺身包裝盒搖身一變,變成密封紙盒,但此安排卻引來大批網民狠批,有諷指現在買壽司猶如「抽盲盒」。
FB群組圖片
Donki部份外賣壽司、刺身轉用密封紙盒
有網民在「香港茶餐廳及美食關注組」上傳圖片,可看到Donki部份外賣壽司、刺身轉用密封紙盒,代替以往透明封蓋的塑膠便當盒,疑似配合即棄塑膠餐具管制新法例。由相片所見,多款壽司、魚生飯、刺身都轉用新紙盒密封設計包裝,雖然Donki已在紙盒上貼上相應壽司刺身的產品相片,供客人參考,但顧客卻無法看清內裏食物的真貎。
FB群組圖片
FB群組圖片
示意圖。《愛回家》劇照
無法知道新唔新鮮成最大問題
網友同時亦貼出一間超市的壽司冷凍櫃相片作比較,見到依然是選用透明包裝盒,他寫到「一個唔知新唔新鮮,有幾多件都唔知,盲盒;一個仲見到自己食咩,新唔新鮮。」更笑諷現在在Donki買壽司猶如「抽盲盒」!
FB群組圖片
網民不解:法例沒有禁止使用透明塑膠盒售賣刺身
而在同一天,亦有網民上載類似的貼文,寫到「又係走塑時間啦 咁都可以? 咁點知新唔新鮮 靚唔靚仔?」對於Donki的新安排,大部份網民對都有微言,他們諷刺新外賣包裝猶如「抽盲盒」、「扭蛋咁款好刺激」,無法目測壽司、刺身是否新鮮;亦有網民質疑「係Donki 玩嘢!法例沒有禁止使用透明塑膠盒售賣刺身,壽司及其他預製食品。」不明白Donki 為何要換紙盒包裝。笑嘆「所以營利大倒退,咁天材橋,一定天材高層設計出來」、更有人笑指「啲人話係紙盒藏司啦」亦有網民指出紙盒放生壽司,其實會好易有菌等。