也有人建議，「唔喜歡就換掉吧，勉強無幸福。」
外傭工餘時間的生活應否受規管向來有爭議，有僱主在「香港討論區」發文，抱怨有吸煙習慣的外傭放假回家，常常有一陣煙酒味道，甚至家人的衣服都沾染上香煙味，令她十分不滿。
僱主指，數月前發現外傭半夜在廁所食煙，但聘請之前已經跟僱傭公司表明不想有吸煙習慣的外傭，「我當時同佢講一係佢戒煙，一係我叫公司再搵嗰個」。
網民不滿外傭在外吸煙導致煙味入屋及沾染家人衣物。示意圖片
之後外傭無在廁所食煙，僱主以為外傭已經戒煙。在復活節長假期外傭足足放了5日假，但僱主自己做家務時，在洗衣服時發現一陣煙味，「我原本都以為係隔離屋有人食煙先有呢陣味，但係我搵清楚，啲味係由佢啲衫傳出嚟，因為我自己啲衫同佢啲衫都係一齊洗，所以我啲衫都有一陣煙味」
僱主之後質問外傭，對方承認有繼續吸煙，還反駁「淨係放假先出街食，無再係廁所同屋企食煙」，不過僱主不滿「真係接受唔到，因為少少味我都會聞到。之前佢收晒啲衫係洗衣籃，不過老實講句，啲三手煙痴到落衫到又未必洗得走晒啲有害物質」。
網民不滿外傭在外吸煙導致煙味入屋及沾染家人衣物。示意圖片
僱主又不滿，有幾次外傭放完假回家明顯是飲醉酒，一身煙酒味，還辯稱只是飲了兩三罐酒。僱主擔心，「工人姐姐已經入屋差唔多年幾，份約仲有一段時間，如果要搵個新，我又怕疫情搞到好難搵，但係佢啲三手煙又會搞到屋企一陣味，影響到屋企人健康」。
資料圖片
有網民留言質疑僱主管得太多，「放假喺外面煙酒都要管？人哋同你打工咋，唔係做你奴隸呀！」、「飄洋過海過得黎做嘢都係成年人，唔係小朋友，你返工有壓力，你識得用自己方法解壓，就唔畀人有壓力？唔畀人用自己方法解壓？當然前提係唔犯法。」、「如果佢工作做足你要求，放假出街食下煙，飲下酒放鬆下都唔過份姐。係屋企食就佢唔啱，放假出街你都要管?洗衫方面，咪分返開洗囉，有乜咁麻煩?反正洗衫等家務都係叫姐姐做架啦」
資料圖片
不過也有人建議，「唔喜歡就換掉吧，勉強無幸福，不過現在找工人比較難，因為菲印都經濟發展咗，多了本地工作，少了工人到外面做外傭，她們有時也會揀僱主揀工作。」、「要求戒又好似講唔通。補錢炒佢，當自己同佢唔好彩。」、「我同情你，一個混身煙味的人長時間在身邊，真是好困擾。而且你聘用前已聲明不要吸煙的女人，這是agent的錯，應找 agent算賬。吸煙危害健康，快快換人。」
帖文轉載自《工人姐姐有吸煙習慣，次次放假返到嚟都成陣煙酒味…… 》
