做個好爸爸。
張致恒（Steven）早前被Naomi（馮鎵瀠）公開追債，隨即被傳債主臨門，更被發現搬離舊屋，失去聯絡的他被指着草走數。
Steven上次見樣已的兩個月前。
隨著老婆雯雯在社交網發文否認走佬，及情緒不穩連續發文放負後，Steven才更新社交網，發文強調「冇走數冇着草」，並跪求放過老婆及其家人。
資料圖片
自今年2月貼一家四口賀年照後沒再露面的Steven，今日凌晨貼上與大仔天寶的笑臉合照，原來為祝囝囝2歲生日。
資料圖片
照片中Steven留有黑白鬚，跟天寶頭貼頭笑不攏嘴，滿臉蒼桑卻又滿載慈父的模樣。留言：「我個臭寶終於兩歲啦🤩突然間好感觸，生日我唔喺佢身邊，當我離開屋企之後老婆同我講佢就唔開心咗好耐又唔肯食飯，個心真係好痛，但係冇辦法始終一個家庭要努力先至維繫到，一日一日咁大，佢一個字一個字咁講出嚟，嗰種感動係喺哩（呢）個世界搵唔到嘅，只有做父母先會感受得到，而（依）家我嘅目標只係想盡快還晒啲錢，同埋俾（畀）一個健康又舒服嘅環境佢哋兩個成長，任何人攻擊我嘅說話，我都會當係對我最好嘅強心針！張天寶，爸爸永遠都會咁愛你 生日快樂呀」。
Steven為賀囝囝2歲生日，自被追債後首露面，大賣父子情。
雯雯公開過去一周家中發生連環不幸事件，包括她身體健康響警號、兒子生病、愛犬患癌，以及無錢交租被迫遷，但她表示就算咩都冇晒，都只希望所有小朋友同狗狗可以健康。
有「離婚界KOL」之稱的張致恒（Steven）和區燕雯（雯雯）婚後育有四名兒子，近年兩公婆經常在社交平公開家事，雯雯早前透露家中因欠電費被斷電，要PO QR code向網民借錢解決後，又自爆與媽媽斷絕關係後，昨日更在YouTube上載影片，公開過去一周家中發生連環不幸事件，包括她身體健康響警號、兒子生病以及愛犬患癌。
一家六口
雯雯早前透露家中因欠電費被斷電。
之後又自爆與媽媽斷絕關係！
VIDEO
觀看相關影片按連結：https://youtu.be/3zuL7ZiG4i0?si=yi1IlStplJENMM27
片中可見，雯雯先公開自己到醫院看急症的照片，並留言：「自己唔舒服，去咗急症，初步懷疑係腫瘤，要等化驗報告同再深入檢查。」之後又指，先是三仔天朗再次發高燒，「咳到唞唔到氣……嘔去睇急症。開咗藥返屋企。」之後又到另外兩個個囝囝同時感冒，「開始咳同（流）鼻水，少少發燒，去睇急症……驗晒冇中招。」
雯雯公開過去一周家中發生連環不幸事件，先是她身體健康響警號。
三仔天朗再次發高燒。
另外兩個個囝囝又同時感冒
而天朗病情比較嚴重，要留院觀察，雯雯表示：「朗朗持續成個星期都係高燒狀態，今次去急症，分流咗係緊急，即刻照X光入院，我完成冇準備下，就陪佢一齊入咗院，做一連串檢查。」她指這第一次離開囝囝，留他獨自在一個在陌生的地方，見到囝囝被綁住、抽血，她只可在門外聽囝囝大叫和大哭，並跟着一齊哭，「因為咁樣嘅關係，佢而家每晚瞓覺都會不斷嚇醒喊，要捉住我先再瞓。」最後，醫生指天朗有輕微嘶哮症，白血球比正常低，「如果返去再燒要即刻返病房。總括，係因為佢早產發生嘅一連串……再加佢免疫力好低，好容易感染。」
天朗病情比較嚴重。
要留院觀察。
檢查後，醫生指天朗有輕微嘶哮症，白血球比正常低。
雯雯又分享留醫第一晚囝囝不肯自己睡在床上，只能在她懷中才能安睡的照片，不禁感歎：「得歲幾又要經歷……」而她在醫院陪伴囝囝時，亦看到人生百態，令她有一番感受：「其實發生咩都唔怕，最可怕係身體唔健康，好想喺度祝福所有小朋友能夠健健康康。」
天朗要躺在媽媽懷中才能安睡。
禍不單行的是，雯雯家中的愛犬患上癌症，遭受連環打擊的她直言身心都好累，就算被迫遷都已無能為力，「呢個星期完完全全好似我一生唔好嘅嘢一次過發生。短短七日時間，承受嘅壓力我已經再唞唔到氣……身心都覺得好累，我自問已經冇氣力再撐到任何的事情。最後...結尾就係全家病晒，一個月就算姐姐到咗，都冇正常工作、冇收入，換來嘅就係冇交租要搬走，但事實我哋又點可能有一筆錢去租新地方。就算有，全香港都唔會有人租畀我哋。比着以往我會想盡辦法保住個屋企，乞……甚至出賣自己都要保住個屋企，但呢個星期發生嘅已經令我咩力氣都冇。自己持續肚痛，仲要日日夜夜照顧朗朗，擔心狗狗，我而家就算要瞓街，咩都冇晒，我只希望所有小朋友同狗狗可以健康，唔好離開我。」當中，雯雯完全沒有提及過老公張致恒，似乎兩公婆又有分歧。
禍不單行的是，家中的愛犬患上癌症。
遭受連環打擊的雯雯 直言身心都好累。
並表示就算要瞓街，咩都冇晒，只希望所有小朋友同狗狗可以健康。
