當小孩子去廁所時總要有家長陪同，不過有網民表示日前到商場男廁時，竟發現一名年約9歲的女童在內。網民批評指，女童年紀較大應可自行到女廁，不應跟隨父親到男廁，批評這種行為會為女童留下壞榜樣。
亦有網民認為可能是因為女廁大排長龍。資料圖片
事主於FB專頁「生仔要考牌系列」投稿，指昨日到又一城商場廁所，如廁後卻發現一名年約9歲、身穿校服的女童站在廁格外，「妹妹嘅老豆就啱啱屙完尿過嚟洗手，同時間佢隔離就有幾個大叔喺尿兜小緊便」。事主對此大感愕然，認為以女童的年紀不應進入異性廁所。
設計圖片
事主本以為是父親因擔心女童的安危，所以帶同女童進入男廁。但一出廁所門口，卻發現女童大喊「媽咪」並奔往母親的懷裡。事主直斥既然母親在場，就應該跟隨母親到女廁，而不是隨父親到男廁，「個妹妹已經大個，行得、走得、跑得，咁樣入異性廁所唔單止對喺廁所入面嘅人感到尷尬，若然個小朋友認為係無問題，留下壞榜樣仲麻煩」。
小四女童隨父親入男廁，惹網民批評。資料圖片
帖文引起網民的熱議，有網民認同事主的看法，「真係有問題。個啊媽都係到，仲要個女跟啊爸入男廁」。不過亦有網民指出另一個可能性，「會唔會係小朋友忍唔到，女廁又大排長龍？」、「如果個女好急女廁勁排嘅都無計」。
設計圖片
亦有網民分享指曾遇過同樣的情況，「我見過成年女人拖住個8/9歲既男仔排女廁，我叫佢去男廁，佢話佢咁細洗唔洗咁介意呀」、「見過啊媽帶男孩入女更衣室被其他人問時，男孩說11歲，連小朋友都尷尬說自己可以去男更衣室，但阿媽即時說截住說自己去換衫危險.....最後嘈到嗌要報警，阿媽先拖返個仔出去」。
資料來源：FB專頁「生仔要考牌」
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
