有上班族在「香港討論區」發文，稱不喜歡與上司同事外出用膳，寧願獨自享受午飯時間，反問「返工自己一個食飯有咩問題？」
網民指，同事一到午飯時間就「好似放監咁成班圍威餵出去食飯，佢地成日叫我Join 俾面派對，我都會間唔中Join下」，但網民其實好享受自己一個人食飯。
網民指不喜歡與同事外出用膳交際應酬，寧願獨處享受私人時間。示意圖片
他質疑， 返工對住同一班同事、上司、老細，可以說是日日見，間中周末可能要加班又要見，平日OT又見，見得多過兩老。他認為，「食飯時間個個零兩個鐘，幾大都自己享受下自己嘅時光，靜靜地睇自己想睇嘅片，打自己想打嘅機，食自己想食嘅嘢」。
資料圖片
他自稱，初出職場時都好喜歡同同事出去食飯，但慢慢開始厭惡，「食又食唔到自己想食嘢、出親去就講三姑六婆八婆嘢、講是非，再唔係就可能Deadair冇嘢講，為乜。」
不少網民稱習慣獨自食午飯。unsplash示意圖片
不少網民大為認同，「食飯係me time，自己一個人有咩問題」、「我大半生都係做行街，從來都係自已一個係街食，都唔知幾自由自在」、「以前讀書時代就幾個同學一齊食飯開開心心，可能大家年齡一樣講嘅嘢都差唔多，依家返工就淨係想一個人食飯」、「其實我都係鍾意獨來獨往，以前返工放飯時間會買返公司食。食完瞓返半個鐘都好」
不過有人說，「細公司就無問題，因為大家食飯唔一樣，反而去大公司做嘢，如果一個人食飯，感覺好怪，同埋有啲老闆會覺得你唔合群，可能會過唔到試用期」
網民指不喜歡與同事外出用膳交際應酬，寧願獨處享受私人時間。示意圖片
帖文轉載自《返工自己一個食飯有咩問題？》
