港男結婚擬1.3萬租屯門新樓父力阻：有間公屋咪一齊住

社會事

港男結婚擬1.3萬租屯門新樓父力阻：有間公屋咪一齊住

2021年05月06日 14:18 最後更新：15:25

住屋問題一直困擾港人。有港男指自己一家四口居於320呎的公屋，近日哥哥結婚，打算以1.3萬元租住屯門新樓，卻遭父親反對指「有間公屋咪一齊住」，更經常「憎人富貴厭人貧」，令他感到十分難頂。

有男網民日前在網上討論區「連登」上，以「我老豆都算係公屋廢老嘅代表人物」為題發文，指他與父母及哥哥同住320呎公屋，哥哥結婚並欲以1.3萬元，租住屯門一個鄰近鐵路、兩房的新樓單位。不過父親聞言後就大力反對：「話有間公屋咪一齊入嚟住，生埋仔方便照顧，幾多人恨都恨唔到」，直指「租新樓扮晒嘢」，又稱他有朋友以8,000元租住荃灣西萬景峰一個兩房單位，因此以1.3萬租屯門單位很傻。

樓主又分享，曾有親戚抽中長沙灣凱樂苑一個大單位，以公屋換居屋，就被父親嘲笑「扮晒嘢，睇唔起公屋」，又周圍向人提起此事；另外，有鄰居以30多萬元裝修公屋，父親又取笑對方。樓主坦言難頂父親的行為：「佢成日同人講政府最大收入係靠公屋收租，成日鬧廢青大學生嘥佢錢養。」

帖文引起網民熱議，不少人都批評樓主父親的想法及行為，「越低水平的人越自我膨漲」、「憎人富貴厭人貧」，甚至勸樓主盡快離開這個家庭。不過亦有網民認為「知足常樂，有得住算好」、「咁又真係好多人恨公屋都恨唔到」、「住公屋得天下」。

往下看更多文章

幸運兒中六合彩二獎捧走80萬慷慨公開獨門落注心得

2024年05月04日 12:30 最後更新：15:35

每逢六合彩有巨額彩金，便又是全城打工仔一起發白日夢的好時機，日前網上就瘋傳自爆中80萬元六合彩二獎的幸運兒現身，慷慨公開自己的獨門落注心得。

幸運兒「齊齊研究六合彩！」分享中獎喜訊

近日有網民在fb群組「齊齊研究六合彩！」發文，該名幸運兒網友自爆「第一次中二獎，終於都可以相信吓係會中到二獎。我今朝返到公司先開嚟睇，我以為頭獎，激動到我爭啲叫出嚟」貼文一曝光很快掀起熱議，一眾網友紛紛激動留言：「真係第一次見到post二獎，恭喜！」，並笑言「這個群組真好，可以見證到有人中獎的喜悅」、「本谷之光，讓全谷友與有榮焉，十分興奮」。

大方分享獨門投注心得

還有網友詢問幸運兒的投注心得，「除了恭喜還是恭喜外，最想問師兄想知呢6個號碼係你一直都買開呢六個號碼，還是你亂揀？還是你用生日日子揀？」，而幸運兒也大方公開自己的投注心得，指幸運全部是「自己揀，係覺得有機會開多數我選幾組，小中大咁組」，該網友還補充到：「一組可能有三個連著的號碼，一組可能隔住咁買，跟住細中大咁」。