賠上整副身家！
近年虛擬貨幣掀起熱潮，不過有人大撈一筆的同時，亦有人賠上整副身家！有網民分享，指自己將過往投資所得及積蓄用作投資虛擬貨幣，甚至進取到以50倍槓桿入貨，但最終因急跌「爆倉」而虧蝕70萬元！
網上圖片
有形容自己是「無家底公屋仔」的網民，近日在網上討論區「連登」以「炒幣炒到輸咗幾十萬」為題發文，指自己早前以50倍槓桿買入柴犬幣（SHIB），但之後因SHIB大跌而被強行「平倉」，將70萬積蓄及炒股所得盈利「清袋」，銀行戶口裡只剩下零元。
網上圖片
樓主表示，曾不斷安慰自己「當買個教訓，20歲重新嚟過」，但卻感到壓力非常大、好辛苦，亦不能向家人或朋友訴苦，只可以自己接受。他形容，今次出事源於自己貪心，結果令已計畫好的事情轉眼化成泡影，曾以為自己「搵到一樣嘢係終於有啲用」，但現時已失去目標及信心，「以為自己贏少少好似好勁，其實咩都唔識」。
設計圖片
樓主在最後表示已經想通，指幸好自己這次沒有借錢炒幣，否則便真的「人生玩完」。他續說，過去一年多只靠兼職渡日，現時會先找工作儲錢，但因之前投資有錢賺便沒有再讀書，「搞到而家出嚟都唔知做啲咩好」。
帖文引起網民熱議，不少網民都安慰樓主，「20歲就有幾十萬，有能力搵得返嘅使乜驚」、「巴打仲後生，慢慢儲返」、「你有的是青春，時間幾多錢都買唔返，好好振作，重新出發，散下心平靜下先。加油」。
不過亦有網民批評樓主太大貪，才會導致這種結果，「又要貪又無料，下場就係清袋，當交學費啦」、「你咁樣玩同賭大細無分別，人地賭大細都會分注減少風險啦」。
有網民指自己將過往投資所得及積蓄用作投資虛擬貨幣，最終因急跌「爆倉」而虧蝕70萬元。unsplash圖片（示意圖）
資料來源：「連登」
