待嫁新娘發現未婚夫疑似「偷食」，究竟應否攤牌？有港女指，與同居的男友準備結婚，但近日發現他一直有用交友軟件，向其他女生索取聯絡方法，更聲稱自己單身且獨居。港女怕男友婚後不忠，但又怕失去這段感情後會「一世單身」，意詢問網民應如何是好。
Getty示意圖片
該名港女在網上討論區上指，男友任職資訊科技界，比她大6至7年，二人一直感情穩定，已同居兩年，準備結婚。不過樓主近日發現，男友在背後有偷偷玩交友軟件，甚至聲稱自己單身、一個人住，又有向其他女生索取Facebook及Instagram等社交媒體的帳戶。
Getty示意圖片
雖然證據擺在眼前，亦生怕對方婚後出軌，但聲稱自己已年過35歲的樓主卻不敢向男友攤牌，「我怕好難再搵另一半」，指自己若與現任分手，等於要「一世單身」。
Getty示意圖片
一眾網民看後，都紛紛勸樓主盡快分手，不要委屈自己，「怕難搵到另一半，你離咗婚就真係難搵」、「唔好委屈自己，無必要為結婚而結婚」、「一定要有另一半？揾到個唔好嘅，煩惱仲多過單身」、「畀返啲尊嚴自己啦，係唔係比晒綠帽你戴都扮睇唔到，你係為人而活定為自己」。
有準新娘發現未婚夫疑似出軌。網圖（示意圖）
