港女見工遲2分鐘解釋「HR畀錯地址」遭責怪揾藉口

求職面試的第一印象好重要。有港女大呻，日前到一家公司見工，卻找不到電郵中所寫的大廈地址，致電該公司的人事部職員方知對方寫錯門號，最終遲到兩分鐘，更被對方責怪，令她非常氣憤！

資料圖片

該名港女在「香港討論區」上，以「見工HR（人事部）畀錯地址 仲要串我遲到」為題發文，指日前到一家公司面試，按人事部職員發給她的地址尋找公司地址，卻發現無論如何都找不到，遂致電對方查問，發現原來是對方寫錯了大廈的門號，最終她亦遲到兩分鐘到達該公司。

設計圖片

樓主表示填好表格後，該公司的人事部職員「黑晒口面」，並指責樓主「你遲到喎」，她嘗試解釋自己依電郵上的地址卻找不到公司位置，但對方未有接受之餘，更批評這是樓主遲到的藉口，「我寫你就要跟？你可以自己查清楚！」

設計圖片

樓主對此該名職員的態度深感不滿，指當時有用網上地圖尋找，並輸入人事部所發的地址，心想「唔會準得過一間公司個HR啩」，批評對方只懂責怪她，而沒有承認責任。樓主又指，即使這是一個考驗，她認為自己亦需得到應有尊重，若對方先道歉，她亦會為自己遲到致歉，直言就算該公司聘請她，她亦不會接受，「佢都黐線！你講嘅資料有錯，仲要鬧番我轉頭，一睇就知唔係咩好公司！惡人先告狀，請我都唔會做，佢咩態度！」

港女為自己見工遲到作解釋時，指人事部職員填錯公司地址，反遭對方責怪找藉口。unsplash圖片（示意圖）

網民看完帖文後的反應兩極，有人批評該名職員的態度差劣，只懂怪責樓主遲到來掩飾其過錯，「呢啲公司就算請都唔做啦，見工咁簡單，自己畀錯地址人仲可以話返人。就算入到去做，日後其他嘢佢自己做錯都可能屈人哋，搵過份好過，唔使可惜」、「垃圾HR自己錯仲賴人！勁無恥！」、「個HR咁衰嘅，祝樓主早日搵到好工」。

不過亦有網民認為樓主身為求職者，應一早做好功課，「佢應該唔會請你，因為佢考驗你能力，發覺你唔識應變」、「應該早啲查好地址嘅」、「連間公司係咩料，地址喺邊都唔search下做功課走去見工？HR有錯都好，是否應該先檢討下自己」。

資料來源：「香港討論區」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」