同事自費萬元買電腦凳擺公司 港男不滿斥想晒命

不少打工仔每天都會花7至8小時在公司，分分鐘多過在家時間，因此打造一個舒服的公司環境尤其重要。有港男指，一名男同事嫌棄公司的電腦椅「唔好坐」，竟自費一萬元購買新椅，批評對方是在「晒命自己好有錢」！

設計圖片

該名港男在「香港討論區」發文，指日前午飯時間有送貨員送來一張電腦椅，一名男同事簽收，並推回辦公室開始拆開包裝，「見佢左砌右砌，好似好複雜咁」。樓主表示，公司本身有提供「普普通通百零蚊張」的電腦椅給同事，而該名男同事新買的電腦椅似乎相當高級，看似是標榜符合人體工學的設計，形容「砌完出嚟張電腦椅又真係幾舒服咁」，一眾同事亦對該張貴價椅議論紛紛.

設計圖片

樓主本來以為該張新椅的售價約1,000至2,000元，怎料其後卻得知起碼價值一萬元，感到難以置信，批評對方是在「炫富」，「同事好X串，話公司啲電腦椅唔好坐，自己買咗張成萬蚊嘅返公司坐，同我去旺角睇嗰啲電腦椅差唔多嘅嘢要成萬蚊？個同事又想點？想曬命自己好有錢？」，直斥對方「唔知博乜」。

一名港男指，有男同事嫌棄公司的電腦椅「唔好坐」，竟自費一萬元購買新椅，批評對方「晒命」。unsplash圖片及網圖

帖文引起不少網民熱議，有人笑言樓主同事是「倒貼」給公司，「貼大床畀公司」、「佢砌椅時，係咪OFFICE HOUR（辦公時間）？叫公司出封信畀佢，話佢工作時間做私人嘢啦」、「過萬蚊一張電腦椅？係咪有按摩功能呀？」

設計圖片

不過亦有網民認為，打工仔長期在公司工作，購買一張較舒服的電腦椅並無不妥，反揶揄樓主是「憎人富貴」，「自己想返工舒服啲有咩問題，又唔係叫你畀錢，唔抵得咪自己又買返張囉」、「自己錢自己享受都有問題？」、「日日坐喺公司至少八個鐘，對自己身體好啲有咩問題？」、「咁佢喺公司坐得耐過喺屋企，坐得唔舒服真係差啲的，買張櫈又唔係送畀公司，第日唔做佢都會帶走，買張舒服啲的，其實都合情合理」。

資料來源：「香港討論區」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」