現今社會仍有人要求女性非賢良淑德不可。有港爸指，近日探訪兒子及新抱，竟發現他們極度混亂，不但整個客廳都是衣服，飯桌上亦堆滿化妝品。他自責與太太管教不善，亦投訴他們把拖地的責任交給長輩，又批評新抱並非賢妻，欲勸兒子「搵過第二個」！
該名港爸在「香港討論區」上，以「自從老婆過身之後 個仔同新抱好有問題」為題發文，指兒子與新抱婚後便搬出自住，兩年來都沒有邀請他到家中參觀，但其太太不時會到訪，順便清潔及煮飯。至上月底，二人約樓主外出食飯，又主動邀請他到家中作客，怎料他們家的環境卻令樓主又興奮轉為失望。
設計圖片
樓主表示，兒子與新抱家中非常混亂，不但有一堆未摺好的衣服被隨意放在椅上，飯桌上亦堆滿化妝品，忍不住開口質疑兒子上班是否不需要熨衫，對方竟表示「呢個年代唔使著咁好返工，阿姨（指乾洗店店員）會燙啦！」樓主又指，新抱不會整理物品，只懂將雜物放入袋再放入櫃，卻不懂分類。樓主唯一滿意的是他們家的地板較為乾淨，但他則歸功於太太不時會前來拖地。
設計圖片
樓主對兒子及新抱不懂自理的行為感到極度不滿，歸咎於自己跟太太當年未有好好教導兒子，「後生我喺東莞做嘢無教好佢，我老婆太錫佢，舊時老婆生活上照顧得我哋幾個太好，（我）頂唔順個仔咁渣！」他又表示，不能接受新抱是所謂的「事業型女性」，指她「靚太唔煮飯」，廚房只是用來擺放著名的鑄鐵鍋，批評新抱不夠賢淑，「好唔掂，阿仔你快快搵過第二個！祈求有個好新抱！」
設計圖片
帖文一出，立即引來不少網民討論，不過大部分都認為樓主應該放手不理，「放開啲...要管，應該喺你個仔18歲前，教佢獨立、自己照自己，喺佢識女朋友前教佢揀老婆，到佢結咗婚都仲幫佢做，已經好有問題...」、「點解要搵過第二個？根本仔仔同新抱係絕配，佢哋覺得間屋唔亂咪得囉」、「你個仔同新抱突然邀請你上佢哋屋企，好大可能想你接你老婆手，得閒上去幫佢哋做阿四~小心小心，冇事唔好再上去」。
亦有網民批評樓主只懂將推卸到新抱身上，「如果你自己從來都無以身作則，言傳身教，又只將家務（當）係女人嘅責任，男人乜都唔需要分擔，可悲！仲有，將自己老婆投影到個仔嘅老婆身上，太不公平了。你老婆是你的女人，但你新抱係人哋嘅老婆呀！」、「你自己個仔一樣無做家務，點解可以嫌棄個新抱唔做家務？」、「你個仔係娶個新抱做老婆，唔係娶個新抱做工人」、「你理得佢哋點過？咩年代，仲要相夫教子、三從四德咩？」
有港爸指，兒子與新抱家中極度混亂，令他睇唔過眼。unsplash圖片（示意圖）
